Главная » 2014 » Oktyabr » 21 » O‘zbekiston Respublikasi Fanlar akademiyasiakademigi To‘xtapo‘lat Risqiyev 70 yoshida vafotetdi
05:52
O‘zbekiston Respublikasi Fanlar akademiyasiakademigi To‘xtapo‘lat Risqiyev 70 yoshida vafotetdi
Mamlakatimiz ilm-fani og‘ir judolikka uchradi. Fizika, materialshunoslik va yuqori temperaturali quyosh uskunalari sohasidagi yirik olim, texnika fanlari doktori, professor, davlat va jamoat arbobi, O‘zbekiston Respublikasi Fanlar akademiyasi akademigi To‘xtapo‘lat Risqiyev 70 yoshida vafot etdi. Bu haqda O‘zbekiston Milliy axborot agentligi xabar bermoqda . To‘xtapo‘lat Risqiyev. Foto: O‘zA To‘xtapo‘lat Risqiyev 1944-yilda Toshkent shahrida tug‘ildi. 1970-yili Toshkent davlat universitetini tugatib, O‘zbekiston Respublikasi Fanlar akademiyasi Fizika-texnika instituti aspiranturasida tahsil oldi. 1975-yilda nomzodlik, 1993-yilda doktorlik dissertatsiyasini himoya qildi. 1995-yilda O‘zbekiston Respublikasi Fanlar akademiyasining a’zosi etib saylandi. To‘xtapo‘lat Risqiyev O‘zbekiston Respublikasi Fan va texnika davlat qo‘mitasi raisining birinchi o‘rinbosari, O‘zbekiston Respublikasining Buyuk Britaniya va Shimoliy Irlandiya Birlashgan Qirolligidagi Favqulodda va Muxtor elchisi, O‘zbekiston Respublikasi Prezidentining Davlat maslahatchisi vazifalarida samarali mehnat qildi. Jonkuyar va fidoyi olim o‘zining qariyb 45 yillik ilmiy faoliyati davomida Fanlar akademiyasi Fizika-texnika instituti katta ilmiy xodimi, laboratoriya mudiri, institut direktorining ilmiy ishlar bo‘yicha o‘rinbosari, Fanlar akademiyasi Materialshunoslik instituti bosh ilmiy xodimi kabi lavozimlarda ishladi. Fizika-materialshunoslik sohasidagi dolzarb masalalarni tadqiq etish, ilm- fanning mazkur yo‘nalishida yuqori malakali kadrlar tayyorlash ishiga katta hissa qo‘shdi. Atoqli olim o‘z shogirdlari bilan birgalikda O‘zbekistonda quyosh energiyasidan foydalanish majmualarini rivojlantirish muammolarini ilmiy tadqiq etishga salmoqli hissa qo‘shdi. Uning fizika va materialshunoslikning nazariy hamda amaliy masalalariga bag‘ishlab yozgan maqola va risolalari keng jamoatchilikka yaxshi ma’lum. Zahmatkash olim o‘z faoliyati davomida jonkuyar ustoz sifatida yoshlarga ilm-fan sirlaridan saboq berdi. Uning bevosita rahbarligida o‘nlab fan nomzodlari va doktorlari tayyorlandi. Yirik olim, davlat va jamoat arbobi, mehribon ustoz, kamtarin inson To‘xtapo‘lat Risqiyevning xotirasi qalbimizda hamisha saqlanib qoladi. I. Karimov, I. Sobirov, D. Toshmuhamedova, Sh. Mirziyoyev, Sh. Solihov Manba: O‘zbekiston Milliy axborot agentligi