Главная » 2014»Fevral»9 » O‘zbekiston jamoasini Olimpiada rasmiy saytida qo‘llab-quvvatlaylik!
00:06
O‘zbekiston jamoasini Olimpiada rasmiy saytida qo‘llab-quvvatlaylik!
Sochida boshlangan qishki Olimpiya o‘yinlari ochilishidanoq xatoliklar va shov-shuvlarga boy bo‘lmoqda. Ammo biz yurtdoshlarimiz va sport ixlosmandlaridan hozirda boshqa bir masalaga e’tibor qaratishlarini so‘ragan bo‘lar edik. Olimpiada uchun maxsus ochilgan saytda “Jamoani qo‘llab-quvvatla” sahifasi mavjud. Unda har bir internet foydalanuvchisi o‘z mamlakati jamoasini hamda sportchini qo‘llab-quvvatlashi mumkin.
Hozirga qadar (8-fevral, soat 15:30) bu qo‘llab-quvvatlashlar natijalari quyidagicha ko‘rinish olgan Ko‘rib turganingizdek, reytingda yetti yarim mingdan oshiq qo‘llab-quvvatlash bilan Mo‘g‘uliston birinchi o‘rinda. Olimpiada o‘tkazilayotgan mamlakat – Rossiya esa 4100 dan ortiq natija bilan ikkinchi pog‘onani zabt etgan. Kuchli uchlikni mingdan ortiq qo‘llash bilan Ukraina yakunlab turibdi.
O‘zbekiston bu borada besh yuzga yaqin ko‘rsatkich bilan to‘qqizinchi o‘rinda ekanligiga guvoh bo‘lib turibmiz.
Biz barcha hamyurtlarimizni mazkur sahifaga kirib, O‘zbekiston jamoasini qo‘llab-quvvatlashga chaqirib qolamiz. Shuningdek, mamlakat jamoasi sahifasiga o‘tib, undagi har bir sportchini ham qo‘llab-quvvatlash imkoni mavjud.
Siz ham ovoz bering va buni ijtimoiy tarmoqlarda do‘stlaringizga ulashing! Zero, jonli efirda xato qilgan sharhlovchini muhokama qilib o‘tirgandan ko‘ra, bu samaraliroq ishdir.
