| ЎЗБЕК «ПИТБУЛ»И, FREEDOM ХОНИМ, ТАКСИМДАН БЎҒОЗ СОҲИЛЛАРИГАЧА… ТАРИХИЙ ШАҲАРНИНГ ЭНГ ГЎЗАЛ МАНЗАРАЛАРИ - ИСТАНБУЛДАГИ ЭНГ ЁРҚИН КЛИП! Суперхит, мегахит… Бошқа таъриф тополмадим! Замонавий клип бўлса, мана шундай бўлсин! Муниснинг янги клипини тақдим этишди. Сўнгги пайтда шов- шувларга сабаб бўлаётган клип. Нархи 30 000 доллар экани ҳақида ҳам гап болалади. Клипни томоша қилиб, унга қанча пул сарфлангани умуман аҳамиятга эга бўлмайди. Томоша қилдим. Бир, икки, уч…ўн уч…Қани тугаб қолмаса! Нилуфарнинг бир клипида уни коинотга олиб чиққан ошиқ, Намозовнинг клипида «Кўза афсонаси» бош қаҳрамони – Наримон Султонхўжаевнинг нечта клип яратиб, неча маротаба суратга тушиб, томошабинлар меҳрини қозониб, гоҳо одамнинг ғашига қанча тегди билмадим-у, бироқ, Истанбулда суратга олган бу янги ишига шунчаки гап йўқ! Уни қабул қилиш жуда осон ва ёқимли кечди. Ўзбек «Питбул»и! Ҳа, ўша ҳозирги жаҳон поп мусиқасининг энг талабгор калбош юлдузи - Pitbullнинг ўзбек "қариндоши”! Дунёнинг сайёҳ аримайдиган тарихий шаҳарларидан бири Истанбулнинг вертикал ва горизонтал панорамаси, шаҳарнинг қадимий Таксим кўчасидан кема ва яхталарга тўла бўғоз соҳиллари, тонги ва тунги манзаралар клип лавҳаларини шу қадар бойитганки, қайта-қайта томоша қилиб зерикмайсиз! Мунис имижи устида анча ишлагани кўриниб турибди. Дид билан ёндошганига ҳеч ҳам шубҳа йўқ. Бир қарасанг, машина бошқараётган йўлбарс рўмолли лэди, бир қарасанг, Таксим кўчаларида шўх-шаддод куйлаётган эпотаж ўсмир, яна бир боқсанг, кўзни қамаштиргувчи либосга бурканган хоним...Ҳамма қилиқлари ўзига ярашган! Қўшиқдаги бирон қўшимча товушнинг клипда намоён бўлиш деталлари ёддан кўтарилмаган! ЛОЛ!!! Ҳаммаси уйғун. Бир бутун. Қўшиқ мусиқаси ажойиб, сўзлари қизиқарли, клип лавҳалари сониялар ичида алмашади...Кўзингизни эса миллисониялар ичида ҳам узолмайсиз! Энг асосийси, роса кайфиятни кўтаради. Мунис, янги йилни янги суперхит билан бошлаганинг муборак! Шунча ижодинг бир томон-у, шу қўшиқ бир томон! "Ўйла” ҳақида яхшилаб ўйлаб кўрдим...Ҳа, барибир сўнгги хулосам шу. Ишонаман, бу қўшиқ дунё мусиқий чартларида энг муносиби! Жасур ҲАМРОЕВ P/S: Бунча, мақтамаса дея хато фикрга борманг. Танқид тошларини отсам, виждонга қарши бориб, сизни ҳам ўзимни алдаган бўламан. Ахир, яхшини яхши дейиш керак-да! Истанбулда қанча клип суратга олинган бўлса, энг ёрқини, энг ажойиби шуниси бўлса керак
|
