| Статистика |
Hozirda saytda: 9 Mexmonlar: 9 Foydalanuvchilar: 0 |
|
Главная » 2013 » Aprel » 9 » O'zbek kinosi tanqid ostida !
20:27 O'zbek kinosi tanqid ostida ! |
O‘zbek kinosida saviyasiz filmlar ko‘payib
ketayotgani tanqid qilindi
Prezident davlat maslahatchisi Xayriddin
Sultonov respublikadagi davlat va
xususiy kinostudiyalarda 2012 yilda
ishlab chiqarilgan kino mahsulotlar
hisobotiga bag‘ishlangan yig‘ilishda
o‘zbek kinochilarining faoliyatini tanqid
qilgan.
Davlat maslahatchisi kinolarga
sarflanayotgan millionlab pullar osmonga
sochilayotgani, ko‘ngildagidek kinolar
yaratilmay, faqat ba‘zi kishilarning
cho‘ntagini qappaytirayotgani haqida
gapirgan.
O‘zbekiston televideniyesida haqiqiy
san‘atdan uzoq bo‘lgan havaskorlik
darajasidagi filmlar reklama
qilinayotgani va aylantirayotgani, bu esa
yoshlarning ongiga ayniqsa salbiy ta‘sir
ko‘rsatishini ta‘kidlagan.
Xayriddin Sultonov shuningdek, o‘zbek
kinosanoatida nega xalqaro miqyosda tan
oladigan kinolar kam yaratilayotgani
haqida kinoijodkorlardan so‘ragan.
Xayriddin Sultonov o‘zbek qishloqlari
kinolarda noto‘g‘ri taqdim
etilayotganidan norozi bo‘lib gapirgan,
"Qishloqda paxsa devoru molxonadan
boshqa joy yo‘qmi ko‘rsatadigan?" degan
savolni bergan.
O‘zbek rejissyorlari qishloqlarda ro‘y
berayotgan rivojlanishlarni
ko‘rmayotgani yoki ko‘rishni istamasligi
haqida gapirgan.
O‘zbekistonda bir-ikki yildan buyon "Oltin
Gepard" xalqaro kinofestivali o‘tkazilishi
yo‘lga qo‘yilgan.
Lekin kino festivalda ham, har yili
o‘tkaziladigan televideniye va kino
ijodkorlarining MNTV taqdimotida ham
yuqori san‘at darajasida deyishga
arzimaydigan o‘zbek kinolarining taqdim
etilgani va mukofotlangani haqiqiy kino
mutaxassislariyu muxlislarini
taajublantirgan.
Xalqaro tanlovlarda tan olingan rejissyor
Ayub Shahobiddinovning "Parizod" kabi
filmlari nega O‘zbekistondagi tanlovlarda
hatto nomzod kinolar qatoriga ham
kiritilmagani internet tarmoqlarida
tanqidlarga sabab bo‘lgan edi.
|
|
Категория: Kino yangiliklari |
Просмотров: 924 |
| Рейтинг: 5.0/1 |
Добавлять комментарии могут только зарегистрированные пользователи. [ Регистрация | Вход ] |
|
|
