Главная » 2013»May»17 » Навоийлик пенсионер танасида магнит борлигини сезиб қолди
18:45
Навоийлик пенсионер танасида магнит борлигини сезиб қолди
"Даракчи.Uz" таҳририятига навоийлик ўқувчимиздан унинг ноёб қобилияти ҳақида хат келди. Навоий вилояти Қизилтепа тумани, Бўстон фуқаролар йиғинига қарашли Гумбаз маҳалласининг Рўзибиён қишлоғида яшовчи 65 ёшли Намозов Ҳасанаота ўзида магнит тортишиш кучи борлигини пайқаб қолган.
- Ҳозирда нафақадаман, бир йилча олдин ўзимда магнит борлигини билиб қолдим, шунинг учун расмга тушиб сизларга юборишни лозим топдим, деб ёзади Ҳасанота ўз мактубида.
Суратда Ҳасан отанинг кўкраги ва пешона қисмида бир вақтнинг ўзида бир нечта металл буюмлар ёпишиб турибди. Тўғри бундай ҳолатлар аввал ҳам кузатилган, лекин барибир юртдошларимиз орасида ана шундай қобилият эгасининг борлиги қизиқишимизни оширади.
Даракчи.Uz сурат учун Ҳасанотага миннатдорчилик билдиради ва яқин кунларда у киши билан боғланиб мазкур ҳолат бўйича янада қизиқарлироқ маълумотлар олишни маълум қилади.
