Главная » 2014»Fevral»27 » Nargiz Zokirova sahnaga Alisher tayyorlagan liboslarda chiqadi
23:50
Nargiz Zokirova sahnaga Alisher tayyorlagan liboslarda chiqadi
Zokirovlar sulolasi vakilasi – xonanda Nargiz liboslarini qanday tanlaydi? Ma’lum bo‘lishicha, uning barcha sahna liboslari va imijini o‘zbekistonlik taniqli stilist Alisher tayyorlaydi. Bu xususda mytashkent.uz sayti xabar bermoqda. Alisher ko‘pdan buyon rossiyalik primadonna Alla Pugachyova bilan hamkorlik qilib keladi. "Golos” shousi tufayli shuhrat qozongan Nargizga ham mazkur stilistni aynan Pugachyova tavsiya etgan.
"Alla Borisovna bizni ruhan qo‘llab-quvvatlab turadi. Biz u kishi bilan tez-tez qo‘ng‘iroqlashib, maslahatlashib turamiz”, — deya tan oladi Zokirova.
Saytning xabar berishicha, Nargiz Zokirova bir yil davomida Rossiya bo‘ylab ijodiy safarda bo‘lib, konsertlar qo‘yishi rejalashtirilgan.
2013-yili mazkur xonanda "Golos” loyihasida ikkinchi o‘rinni egallaganligidan xabaringiz bor. Uning sahifasi ruscha "Vikipediya”da eng ko‘p o‘qilgan sahifa bo‘lganligi haqida ham yozgan edik.
