| Статистика |
Hozirda saytda: 1 Mexmonlar: 1 Foydalanuvchilar: 0 |
|
Главная » 2013 » Fevral » 24 » Намунали милиционерларга Matiz совға қилинди
00:05 Намунали милиционерларга Matiz совға қилинди |
Тошкентдаги "Туркистон” саройида Ўзбекистон Республикаси Ички ишлар вазирлиги томонидан ўтказиб келинаётган "Намунали милиция таянч пункти” кўрик-танловининг 2012 йил натижалари бўйича якуний босқичи бўлиб ўтди.
Тадбир аввалида Ўзбекистон Республикаси ички ишлар вазири, генерал-лейтенант Б.Матлюбов ва бошқалар мамлакатимизда тинчлик-осойишталик, аҳоли хавфсизлиги ва фаровонлигини таъминлаш борасида изчил ишлар олиб борилаётганини таъкидлади.
Мамлакатимиздаги мавжуд 3558 милиция таянч пунктининг 71 фоизи атрофида факультатив тўгараклар, 73 фоизининг яқинида кичик бизнес шохобчалари ҳамда 85 фоизининг ёнида замонавий жиҳозланган спорт майдончалари фаолият юритмоқда. Бу вояга етмаганларни назорат қилиш, уларнинг бўш вақтини мазмунли ўтказишга хизмат қилмоқда.
"Намунали милиция таянч пункти” кўрик-танловининг якуний босқичида 14 милиция таянч пункти иштирок этди. Самарқанд вилояти Оқдарё тумани "Пўлатдархон” маҳалла фуқаролар йиғинидаги 188-милиция таянч пункти, Наманган вилояти Учқўрғон тумани "Янгиер” қишлоқ фуқаролар йиғинидаги 8-милиция таянч пункти, Бухоро шаҳридаги Абдухолиқ Ғиждувоний маҳалласи 35-милиция таянч пункти, Хоразм вилояти Ҳазорасп тумани "Пичоқчи” қишлоқ фуқаролар йиғинидаги 192-милиция таянч пункти биринчи ўринга лойиқ топилди. Ғолибларга "Мatiz” автомашиналари топширилди.
Танловда иккинчи ва учинчи ўринлардан ташқари "Энг маҳоратли профилактика инспектори”, "Энг обод ва осойишта маҳалла раиси”, "Фидойи маҳалла посбони”, "Маърифатпарвар маслаҳатчи”, "Энг фаол хотин-қизлар қўмитаси раиси”, "Адолатли яраштириш комиссияси”, "Баркамол авлод етакчиси” каби номинациялар бўйича ҳам ғолиблар аниқланди.
Manba: Darakchi.uz
|
|
Категория: O`zbekiston Yangiliklari |
Просмотров: 816 |
| Рейтинг: 5.0/3 |
Добавлять комментарии могут только зарегистрированные пользователи. [ Регистрация | Вход ] |
|
|
