| Статистика |
Hozirda saytda: 4 Mexmonlar: 4 Foydalanuvchilar: 0 |
|
Главная » 2013 » Mart » 18 » Муроджон Осиё чемпиони бўлди
01:54 Муроджон Осиё чемпиони бўлди |
Ҳиндистон пойтахти Деҳли шаҳрида давом этаётган Осиё чемпионатида ҳамюртимиз Муроджон Холмуродов ғолиблар сафидан жой олди.
Осиё велоспорт конфедерацияси томонидан ўтказилаётган нуфузли мусобақада ўттиз беш мамлакатдан 760 нафардан зиёд спортчи турли йўналишлар бўйича куч синашмоқда.
Велошоссе бўйича 40 километр масофага ўтказилган беллашувларда чемпионлик учун кураш асосан уч спортчи – Лондон Олимпиадаси иштирокчиси Муроджон Холмуродов, қирғизистонлик тўрт карра Осиё чемпиони Евгений Вакер ва 2010 йилги Осиё чемпионати ғолиби қозоғистонлик Андрей Мизуров ўртасида кечди. Белгиланган масофани 51 дақиқа 51 сонияда босиб ўтган ўзбек спортчиси пойгада Осиё чемпиони бўлди.
Бу қитъа чемпионатининг велошоссе йўналиши бўйича катталар ўртасидаги баҳсларда ўзбекистонлик спортчилар қўлга киритган илк олтин медалдир. М.Холмуродов икки йил олдинги Осиё чемпионатида кумуш медаль билан кифояланган эди. Унгача қитъа чемпионатларида ўзбек велоспортчиларидан Владимир Тўйчиев 2005 ва 2007 йили бронза, Темур Муҳаммадов 2008 йили кумуш медални қўлга киритган.
Осиё чемпионатидаги иштирокини давом эттираётган М.Холмуродов энди 200 километрга ўтказиладиган пойгада қатнашади.
Зоҳир ТОШХЎЖАЕВ,
ЎзА мухбири
|
|
Категория: Dunyo xabarlari |
Просмотров: 781 |
| Рейтинг: 5.0/14 |
Добавлять комментарии могут только зарегистрированные пользователи. [ Регистрация | Вход ] |
|
|
