Главная » 2013 » Sentyabir » 4 » Миср ҳукумати лайлакни француз айғоқчиси деб ўйлади
15:46
Миср ҳукумати лайлакни француз айғоқчиси деб ўйлади
Мисрнинг Кена провинцияси ҳукумати Франция фойдасига айғоқчилик қилишда гумон қилинаётган кўчманчи қушни ушлаб олди, дею ёзади Британиянинг "The Independent” нашри.
Маҳаллий фуқаролардан бири учиб ўтаётган лайлакда ғалати электрон қурилмани кўриб қолган ва бу ҳақда ҳуқуқни муҳофаза қилиш органларига маълум қилган. Ҳуқуқ-тартибот ходимлари қушни ушлаб олганидан кейин бу бор-йўғи француз орнитологлари томонидан кўчманчи қушлар миграциясини ўрганиш мақсадида ўрнатилган қурилма экани аниқланди.
Миср ҳукумати билан бундай воқеа биринчи бор юз бераётгани йўқ. Хусусан, 2010 йилда ҳукумат вакиллари Қизил денгизда сайёҳларга ҳамла қилаётган акулалар Исроил "агентлар”и эканини билдирган эди.
