| Статистика |
Hozirda saytda: 3 Mexmonlar: 3 Foydalanuvchilar: 0 |
|
Главная » 2013 » Aprel » 20 » Мавлуда Асалхўжаева Guli брендига мурожаат қилди
01:10 Мавлуда Асалхўжаева Guli брендига мурожаат қилди |
Ўзбекистонда хизмат кўрсатган артист Мавлуда Асалхўжаева тез орада мухлислар эътиборига янги мусиқий альбоми ва клиплар тўпламини тақдим этишни режалаштирмоқда.
Айни кунларда хонандани овоз ёзиш студияларида учратиш мумкин. Альбомга киритиладиган 3 та янги қўшиқ тайёр бўлган. Шулар орасида хонанданинг "Хафа бўлма” номли янги қўшиғидан умиди катта. Куни кеча эса янги "Йўқ-йўқ” номли қўшиғига клип суратга олдирди. Клип режиссёрлари Асалхўжаеванинг анъанавий ҳамкорлари Мирмақсуд Охунов ҳамда Рустам Муродов.
Хонанданинг берган маълумотларига қараганда мазкур клипга жуда катта куч ва катта маблағ сарфланяпти. Дарвоқе сўнги вақтларда клиплари орқали миллий либосларда намоён бўлаётган Мавлуда Асалхўжаева бу гал ҳам ўзимизнинг адрас ва атласларни хорижнинг шойи матоларидан устун билди. Хонанда илк бор "Guli” бренди либосларига мурожаат қилганини маълум қилди.
Мавлуда Асалхўжаева, Ўзбекистонда хизмат кўрсатган артист:
— Қаерга бормай миллий либосларимиздан фахрланиб юраман. Ҳозир ҳатто тўйларга ҳам ёш сингилларимиз, хонанда қизларимиз ўзимизнинг милли либосларда бораётганларини кўриб кўзим қувнайди. "Guli” брендининг либосларидан клипларимда фойдаланишни анчадан бери кўнглимга тугиб қўйгандим. Очиғи бу либослар ҳар қандай аёлни ўзига тортмай қолмайди. Ўзимизнинг матолардан ҳам жаҳон подиумларида мақтанса арзигулик либослар тикиш мумкинлигини айнан "Guli” брендига мурожаат қилиб билдим.
Клип ҳам сюжетли, ҳам трек услубида суратга олинган бўлиб, у келаси ҳафтада тайёр бўлиши кутилмоқда. Тез орада эса Асалхўжаеванинг бу йилги концерт дастури кунлари ҳам аниқ бўлади.
|
|
Категория: O`zbekiston Yangiliklari |
Просмотров: 633 |
| Рейтинг: 5.0/6 |
Добавлять комментарии могут только зарегистрированные пользователи. [ Регистрация | Вход ] |
|
|
