Мали жангарилари асирликка олинган гаровдаги француз қатл қилингани ҳақида маълум қилди. Бу хақда 20 март куни «Аль-Жазира» телеканали хабар берди. Жангариларнинг айтишича, Малига француз ҳарбийларининг киритилишига норозилик белгиси сифатида 10 март куни француз миллатига мансуб Филипп Вердонинг боши танасидан жудо қилинган. Франция расмийларининг таъкидлашича, ҳозирча ушбу фуқаронинг ҳалок бўлгани хақидаги хабар ҳақиқат ёки ёлғон экани текширилмоқда. Вердо ва яна бир француз миллатига мансуб киши 2011 йилнинг ноябрида ўғирланган эди. Франция 2013 йилнинг январида Малига ўз армиясини киритиб, мамлакатдаги можарони бостиришга уринмоқда. Айни дамда Мали худудида 5,4 минг француз аскарлари мавжуд бўлиб, уларнинг шу йилнинг март ойида олиб чиқиш режалштирилган эди, аммо кейинроқ хукумат буни июл ойига қолдирди.