Америкалик таниқли қўшиқчи Мадонна ўз мамлакатининг раҳбарларига мурожаат қилиб, Сурияда ҳарбий операция ўтказмасликка чақирди.

Унинг ёзма мурожаати муҳрланган мактубнинг сурати қўшиқчининг Instagram саҳифасига жойлаштирилган. 

"Америка Қўшма Штатлари, Сурияга кирманг!", — дейилади Мадонна ёзган мактубда.

Мадонна дунё шоу-бизнесининг энг ёрқин ваиклларидан бири ҳисобланади. Forbes журнали талқинига кўра, Мадонна 2013 йилда 125 миллион доллар ишлаб топиб, энг катта ҳақ оладиган таниқли кишилар рўйхатида биринчи ўринни олди. 

АҚШ Президенти Барак Обама конгрессга Сурияга қарши ҳарбий ҳаракатлар олиб боришга санкция беришни сўраб мурожаат қилган. Бунга шу йилнинг 21 август куни Сурия ҳукумати томонидан кимёвий қирғин қуроли ишлатилгани сабаб қилиб кўрсатилмоқда. Маълумотларга кўра, бунинг оқибатида 1,4 мингдан зиёд киши ҳалок бўлган. 


МАВЗУГА ОИД

1. Ғарбнинг энг бой машҳур кишилари (ТОП-20)

2. Мадонна 55 ёшда! Машҳур хонанда яратган ёрқин образлар ТОП-9 талиги (ФОТО)