Главная » 2014»Mart»23 » Londonda Navro‘z bayrami taqdimoti o‘tkazildi
20:05
Londonda Navro‘z bayrami taqdimoti o‘tkazildi
Londonning Institute of Directors klubida Navro‘z bayrami taqdimoti bo‘lib o‘tdi. Unda Buyuk Britaniyaning siyosiy, ishbilarmon va madaniy doiralari vakillari, diplomatik korpus rahbar va xodimlari hamda OAV vakillari ishtirok etdi. Bu haqda "Jahon” agentligi xabar berdi.
Tadbir Nowruz Commission Xalqaro xayriya tashkiloti tomonidan diplomatik missiyalar hamda Markaziy Osiyo va Janubiy Kavkaz mamlakatlari do‘stlik jamiyatlari hamkorligida tashkillashtirildi.
Taqdimotda O‘zbekiston milliy ekspozitsiyasi namoyish etildi. Undan so‘zanalar, atlas va adrasdan kiyimlar, sopol buyumlar, shuningdek, mamlakatimiz sayyohlik imkoniyatlari haqidagi nashrlar o‘rin oldi. Britaniya-O‘zbekiston jamiyatining a’zolari bo‘lgan yigit-qizlar o‘zbek milliy liboslarida tadbir mehmonlariga sumalak, quruq mevalar, non va patirlar ulashdi.
Nowruz Commission tashkiloti 2010-yilda AQShda tuzilgan bo‘lib, uning faoliyati Navro‘zni nishonlash an’analarini saqlab qolish va uning insoniylik qimmatini butun dunyo bo‘ylab tarqatishga qaratilgan.
