Олий лига-2013 мусобақаларининг 16-туридан ўрини олган "Локомотив" ҳамда "Гулистон" клублари ўртасидаги учрашув 6:2 ҳисобида "темирйўлчилар"нинг ғалабаси билан якунланди. 

Ўйиннинг  40-дақиқасигача ҳисоб 2:2 эди. Унгача Иван Нагаев ва Иброҳим Раҳимовларнинг голларига Мўйдин Мамазулунов икки голи билан жавоб қайтарди. Аммо, 40-дақиқадан бошлаб фақат "Локо" гол ура бошлади. 

Жумладан, Иброҳим Раҳимов 50-дақиқада жамоасини олдинга олиб чиди. Шундан сўнг Иван Нагаев, Жасур Ҳасанов ва Акмал Холматовлар кетма-кет голларни "Гулистон" дарвозасига йўллашди.

Шу тариқа ҳисоб 6:2 кўринишида якунланди ва "Локо" жадвалда етакчилигини сақлаб қолди.

Олий лига-2013, 16-тур

"Локомотив" - "Гулистон" — 6:2

Голлар: Иван Нагаев (5), Иброҳим Раҳимов (38), Иброҳим Раҳимов (50), Иван Нагаев (57), Жасур Ҳасанов (70), Акмал Холматов (81) - Мўйдин Мамазулунов (12), Мўйдин Мамазулунов (40).

ЭРТАГА
17 август куни 16-турнинг қолган учрашувлари ўтказилади. Ушбу турда "Металлург"-"Бунёдкор" ва "Пахтакор"-"Олмалиқ" учрашувлари қизиқарли кечиши кутилмоқда.