| Статистика |
Hozirda saytda: 35 Mexmonlar: 35 Foydalanuvchilar: 0 |
|
Главная » 2013 » Fevral » 19 » Lionel Messi Biografiyasi
15:58 Lionel Messi Biografiyasi |
Messi haqida qisqacha
To'liq ismi: Lionel Andres Messi
Laqablari: Leo, Bloxa
Tavallud topgan: 1987 yilning, 24 iyunida
Fuqaroligi: Argentina va Ispaniya
Bo'yi: 167 sm.
Vazni: 67 kg.
Ampluasi: Hujumchi
Kataloniyada bir ajoyib jamoa bor.
«Barselona»! Mana necha yildirki jahon
futbolini larzaga keltiryapti, o'zining
«davri»ni tuza oldi. Ayniqsa, 2009 yilda
kataloniyaliklar bosh murabbiylik stuliga
jamoaning sobiq a'zosi Pep Gvardiola
kelganidan so'ng, «ko'k-anorranglilar»
o'zgacha o'yin namoyish etishni boshladi.
Qaysi raqib kelmasin, birma-bir chetga
«terib» qo'yaverdi. Chindan ham, Pep
Kataloniyada o'zgacha futbol iforini
namoyish etgandi. Jamoaviy o'yinni!
Boshqacha qilib aytganda, Gvardiola
Futzalni stadionda ham o'ynash
mumkinligini isbotlay oldi.
«Barselona»ning hozirda uchta ustuni bor,
bilasiz. Bular - Messi, Xavi va Inestalar.
Gvardiola qo'l ostidagi jamoa aynan mana
shu «uchlik» asosida qurilgan. Bir qancha
futbol mutaxassislari ham buni bod-bod
ta'kidlashgan, ta'kidlashmoqda. Messi
bo'lmasa Xavi va Inestaning o'yini
qovushmaydi, Xavi bo'lmasa Messi va
Inestani va x.k. Agar uchchovi bo'lmasa
«Barsa»ning o'yini qovushmaydi. Bog'liqlikni
qarang!
Men bu uchovlonga boshqacha qilib, «Uch
og'a-ini botirlar» deya nom berdim.
Haqiqattan ham, bir necha yillardan buyon
bir jamoada faoliyat yuritayotgan bu
futbolchilar og'a-inidek bo'lib ketishgan.
Maydonda bir-birlarini ham shunga yarasha
tushunib o'ynashadi. Demak, hozir
«Barselona»ning eng asosiy ustunlaridan
biri bo'lmish «kenja botir» - Lionel Messi
haqida gaplashamiz.
Qahramonimiz 1987 yilning 24 iyunida,
Argentinaning Rosario shaharchasida
tavallud topgan. Otasi - Xorxe Messi,
fabrikada ishchi. Onasi - Siliya Messi (qizlik
familyasi Kussitini) esa farrosh bo'lib
ishlardi. Otasi asli Italiyaning Ankoni
shahridan, onasi Anjelo Messi 1883 yilda
Argentiniyaga ko'chib kelgandi. Messining
Rodrgio va Matias ismli akalari bor.
Shuningdek, Maria Sol ismli opasi ham bor.
Ko'rib turganingizdek, Leo oilasida eng
kenja farzand.
Lionel Messi 13 yoshni qarshi olganda uning
iste’dodi haqida «Barselona» klubining
aktsiyanerlaridan biri eshitib qoladi va uni
olib kelish uchun klub skautlari - Martin
Montero va Fabian Soldinilarni yuboradi.
O'z navbatida skautlar Messi va uning
otasini Ispaniyaga ko'chib o'tishiga
ko'ndirishadi. 2000 yil 17 sentyabr kuni
futbolchi otasi bilan birgalikda Kataloniyaga
keladi. Biroq, jamoaning sport direktori
Karles Reksach boshqa ishlari bilan
mashg'ul bo'lgani tufayli ko'rikdan o'tish
ishlari 3 oktyabr kuni o'tadi. Reksach
Messining o'yini ko'rgach, shunday hayratga
tusha boshladiki, uni «ko'k-anorranglilar»
jamoa mutasaddilariga ko'rsatish uchun bor
harakatlarini ishga tushira boshladi.
Shuningdek, Messi oila a'zolarini Evropaga
olib kelish uchun sarflangan mablag'ni
hamda futbolchini davolashga ketadigan
summani, ya'ni bir yilga 90 ming evro
miqdoridagi mablag'ni ham to'lash vazifasini
o'z bo'yniga oldi. O'sha kundan buyon,
Messi yoshlar jamoasida to'p surishni
boshladi.
Futboldagi birinchi qadam
Messi besh yoshidan boshlab futbol bilan
shug'ullana boshladi. O'sha paytlarda u
«Grandoli» klubida otasi Xorxe boshchiligida
mashg'ulotlar o'tkazgan. Messi 1995 yilda
o'zining tug'ilgan shahri jamoasi «Nyuellz
Old Boyz» jamoasiga o'tdi. Leonel 11
yoshida otasi va onasi bilan Barselona
shahriga bordi va 13 yoshida «Barselona»
yoshlar jamoasida o'zining birinchi pokerini
qayd etishga erishdi. U Kataloniyada tezda
o'yinga kirishib ketdi. Va buning samarasi
o'laroq, «Barselona»ning ikkinchi jamoasi
asosiy tarkibida qo'shilib olib, deyarli har
bir o'yinda raqiblari darvozasini ishg'ol
qilaverdi.
«Barselona»dagi faoliyati haqida
Messining Kataloniya jamoasidagi debyuti
2003 yilning 17 noyabriga to'g'ri kelgan.
O'shanda «ko'k-anorranglilar» «Portu»ga
qarshi o'rtoqlik o'yinida maydonga
tushishgandi. O'yindan so'ng, Ispaniyaning
mashhur nashlaridan biri – «El Mundo»
yuqoridagi o'yinda ishtirok etgan Lionel
Messiga quyidagi tarifni bergandi:
«Messi uch futbolchining qorishmasi. Bu
yigitning chapaqayligi Maradonadan, tezligi
Kroyfdan va pas berishi Ronaldinodan
olingan».
Messining «Barsa»ning rasmiy
uchrashuvidagi debyut o'yini Ispaniya
chempionati 2004/05 yillari mavsumining 7
turiga to'g'ri kelgandi. 16 oktyabr kuni
bo'lib o'tgan bahsda «Barselona» safarda
«Espanol»ni 1:0 hisobida mag'lub etib
qaytgandi. Mana shu o'yinda Messi 85
daqiqada Dekuning o'rniga maydonga
tushgan. Argentiniyalik futbolchining
Kataloniyaliklar safidagi dastlabki goli 2005
yilning 1 mayida «Albasete» darvozasiga
kiritilgandi. Ushbu bahsda Messi 17 yil 10
oy va 7 kunni qoralab qo'ygandi.
Shuningdek, 2004/05 yillari mavsumi Messi
uchun yana bir quvonchli daqiqalarni
bag'shida etgan. U 2004 yilning 7 dekabrida
Evropa chempionlar ligasida ham o'zining
debyut bahsini «Shaxtyor»ga qarshi
maydonga tushish bilan boshlagan.
EChLdagi birinchi gol esa 2005 yilning 2
noyabriga to'g'ri keladi.
2005-2009 yillar haqida
Messi 2005 yilda Ispaniya chempionligini
boshi uzra ko'tarishga muvaffaq bo'ldi.
Shuningdek, Evropa chempionlar ligasida
finalga chiqib, Londonning «Arsenal»
jamoasini 2:1 hisobida mag'lubiyatga
uchratdi. Afsuski Leo final bahsiga jarohati
tufayli etib kelolmadi. 2005 yilning dekabr
oyida Italiyaning «Tuttosport» nashri
mavsumning «Tillo bola» nominatsiyasiga
Lionel Messini loyiq deya topdi.
Argentiniyalik futbolchi ushbu unvonni Ueyn
Runi va Lukas Podolskilarni ortda qoldirib
qo'lga kiritdi.
2006 yildan boshlab, Messi o'zining qanday
kuchga qodir ekanligini hammaga namoyish
qila boshladi. 2006/07 yillari bo'lib o'tgan
Ispaniya chempionatini juda ham ko'tarinki
kayfiyatda o'tkazdi. «El Klassiko»da «Real»
darvozasiga xet-trik yo'lladi va jamoasini
mag'lubiyatdan asrab qoldi - 3:3. Messi
ushbu mavsumda «France Football»
nominatsiyasi hisoblangan «Oltin To'p»
unvonining uchinchi pog'onasini egallay
oldi. Kaka va Ronaldu mos ravishda birinchi
va ikkinchi pog'onalarni qayd etdi.
2007/08 yilgi mavsum esa Messi va «Barsa»
uchun juda ham omadsiz o'tdi.
Kataloniyaliklar ichki chempionatda uchinchi
pog'onani egallashdi, Evropa chempionlar
ligasi yarim finalida «MYu»ga yutqazib
qo'yishdi, Ispaniya kubogidan ham mahrum
bo'lishdi. Shuningdek, mavsumda Messi
ko'plab jarohatlar oldi va o'zining o'yinini
ko'rsata olmadi.
2008/09 yillar mavsumi boshida
«Barselona» o'zining etakchi o'yinchilaridan
biri - braziliyalik Ronaldinoni «Milan»
jamoasiga transfer qildi. Bundan
foydalangan Messi o'zining sobiq 19
raqimini Ronaldino ketgandan so'ng bo'sh
qolgan 10 raqamiga almashtirib oldi. Shu
davrdan so'ng, Leo mana shu raqamga loyiq
tarzda o'yin ko'rsata boshladi. O'tgan
mavsum Messi va uning jamoasi uchun
omadsiz yakun topgandi. Shu sababli ham,
kataloniyaliklar rahbariyati jamoaning bir
necha yillik bosh murabbiyi Frank Raykaard
bilan tuzilgan shartnomani yakunlashga
qaror qilishdi. Uning o'rniga esa, «ko'k-
anorranglilar» safida to'p surgan Xosep
Gvardiola keldi. Shundan «Barsa»da
o'zgacha kayfiyat, o'zgacha muhit, o'zgacha
taktika hukm sura boshladi.
Chindan ham, Pep jamoani sezilarli
darajada o'zgartirdi. Ushbu mavsumda
Messi «Barselona» bilan qatnashgan barcha
chempionatlarda oltin medal sohibiga
aylanishdi: Ispaniya chempionati va kubogi,
Evropa chempionlar ligasi, UEFA va Ispaniya
superkuboklari - shular jumlasidandir! Mana
shu kuboklarni yutishda Lionel Messining
«Barsa»ga ham xizmatlari katta bo'ldi. Buni
payqagan «France Football» o'z
nominatsiyasining birinchi o'riniga Lionel
Messini loyiq deb topdi.
2009/11 yillar mavsumi
Mavsum boshida «Barselona» Messi bilan
shartnomani uzaytirishga erishdi. Bu
shartnoma 22 yoshli argentiniyalik hujumchi
bilan 2016 yilgacha o'z kuchida bo'ladi va
futbolchining narxi 250 million evrogacha
ko'tarildi. Bundan oldin esa, Messining narxi
150 million mablag' summasini tashkil
etayotgan bo'lib, shartnoma 2014 yilda
tugashi lozim edi.
2009 yilgi mavsum ham Messi va Kataloniya
jamoasi uchun qutlug' keldi. Leo Ispaniya va
UEFA Superkuboklarini boshi uzra ko'tardi.
Messi Ispaniya Superkubogi finalida jamoasi
bilan «Atletik»ga qarshi ikkala o'yinni ham
o'z foydalariga hal etdi (mehmonda 2:1,
uyida 3:0 natija bilan g'alaba). Aytish joizki,
Messi jamoasining uyida «Atletik»ga qarshi
bahsida raqiblari darvozasiga dubl qayd
etib, klubinining chempionligiga o'z xissasini
qo'shdi. Shuningdek, UEFA Superkubogi
finalida «Shaxtyor»ga qarshi bahsda
maydonga tushib (1:0), bitta golga
hammualliflik qilishga ulgurdi.
2009, yil 1 dekabr. «France Football» nashri
tomonidan har yili o'tkaziladigan «Oltin
To'p» nominatsiyasiga tanlov e'lon
qilingandi. Unda Lionel Messi tanlovdagi
raqibi - Krishtianu Ronalduni 240 ochkoga
ortda qoldirib, «Oltin To'p» sohibiga
aylandi. Umumiy hisobda, Messi 473 ochko
jamg'ara olgandi. Jahonning eng ko'zga
ko'ringan jurnalistlarida ham argentiniyalik
futbolchini «eng yaxshi» deya e'tirof etishdi.
Qahramonimiz o'zining bu yutug'i haqida
shunday degandi:
«To'g'risini aytganda, men favoritlardan biri
bo'lishimga ishonchim komil edi. Chunki
«Barselona» o'zining eng ajoyib
mavsumlaridan birini o'tkazdi. Ammo,
shunga qaramay, o'rtadagi farq shu
darajaga etishini hayolimga ham
keltirmagandim. «Oltin to'p» sovrini qo'lga
kiritish men uchun katta sharafdir. Chunki
bu sovrin buyuk futbolchilarga nasib etgan.
Ammo buyuk futbolchilardan barchasi ham
bu sovrinni qo'lga kirita olishmagan. «Oltin
to'p»ni ikkinchi marta qo'lga kiritishim juda
qiyin kechadi. Avvalo jamoamizdan o'tgan
mavsumdagi o'z o'yinini namoyish etishi
talab etiladi».
Shuningdek, argentiniyalik futbolchi va
uning jamoasi 2009 yilda klublar o'rtasidagi
jahon chempionatida ham bosh sovrinni
qo'lga kiritishdi. Bu «Barselona»ning ushbu
yildagi oltinchi kubogi edi. Lionel bu
chempionatda ham quruq qolmadi. U
musobaqaning eng yaxshi o'yinchisi deya
e'tirof etildi.
2009 yil, 21 dekabr. Messining hayotida
yana bir jiddiy voqea sodir etildi. U 2009
yilning eng yaxshi o'yinchisi unvonini qo'lga
kiritdi. Ko'rib turganingizdek, Messining shu
davrgacha bo'lgan faoliyatida eng cho'qqi
nuqta shu edi. Bundan tashqari, «Oltin
To'p», «Onze d’O», Evropa chempionlar
ligasi 2008/09 mavsumining eng yaxshi
hujumchisi va o'yinchisi, klublar o'rtasidagi
jahon chempionatining eng yaxshi
o'yinchisi, Ispaniyaning eng yaxshi o'yinchisi
- kabi sovrinlarni qo'lga kiritdi.
2010 yilning 16 yanvarida Messi «Barsa»
safidagi o'zining 100 golini «Sevilya»
darvozasiga kiritdi. Bu vaqtda futbolchi 22
yosh, 6 oy va 22 kunlik bo'lgandi. Aytish
joizki, Kataloniya jamoasi tarixida Messidan
avval bu yoshdagi hech bir futbolchi yuzta
gol urolmagandi.
Lionel Messi jamoasi bilan 2009/10
mavsumida Ispaniya chempionligini ham
qo'lga kiritdi. «Barselona» ushbu mavsumda
99 ochko jamg'arib, eng yaqin ta'qibchisi –
«Real»ni uch ochkoga ortda qoldirdi. Messi
esa ham chempionatning eng yaxshi
o'yinchisi, ham musobaqa to'purarligini
qo'lga kiritdi.
2010/11 mavsumi ham kataloniyaliklar
uchun sovrin bilan boshlandi. 2010 yilning
21 avgustida Messi jamoasi bilan uchinchi
bor Ispaniya Superkubogini qo'lga kirita
oldi. Ular finalda «Sevilya»ni ikki o'yin
natijasiga ko'ra taslim etdi.
Shuningdek, chempionlar ligasining ushbu
mavsum guruh bosqichiga oid
«Barselona»ning «Panatinaikos»ga qarshi
o'yinida mezbonlar 5:1 hisobida g'alabaga
erishdi. Ushbu bahsda Messi dubl qayd etib,
«Barselona» tarkibida chempionlar
ligasidagi o'zining 27 golini kiritdi va o'ziga
hos yangi rekord o'rnata oldi. Bu rekord
mavsum davomida Messi tomonidan bir
necha marotaba yangilanib turdi.
2011 yil, 21 yanvar. Messi FIFA va «France
Football» tomonidan ketma-ket ikkinchi bor
«Yilning eng yaxshi futbolchisi» unvoniga
loyiq ko'rildi. U bu yo'lda jamoadoshlari –
Xavi va Inestani ortda qoldirgandi.
Messidan avval bu sovrinni ketma-ket ikki
marta Mishel Platini, Marko van Basten,
Kevin Kigan va Ronaldolar qo'lga
kiritishgandi.
2010/11 yillar mavsumida Messi jamoasi
bilan uchta sovrin yutdi. Dastlab, Ispaniya
Superkubogi, keyinchalik Ispaniya
chempionligi va eng asosiysi Evropa
chempionlar ligasi! Messi Ispaniya
chempionatining tugallangan mavsumida
«Marca» nashri tomonidan «Mavsumning
eng yaxshi o'yinchisi» unvonini yana bir bor
qo'lga kiritdi.
Terma jamoadagi o'yinlari haqida
Lionel Messi 2005 yilda Gollandiyada o'tgan
yoshlar o'rtasidagi Jahon chempionatida
g'olib chiqqan. Messi bu musobaqada oltita
gol urib, «oltin butsa»ni qo'lga kiritgandi.
2005 yilning 4 avgustida Argentina terma
jamoasi bosh murabbiyi Xose Pakerman
Messini Vengriyaga qarshi o'rtoqlik bahsiga
chaqirdi. Leo ushbu uchrashuvda uch
daqiqa harakat qildi va qizil kartochka olib
maydonni tark etgandi. Leoning Argentina
terma jamoasidagi birinchi rasmiy
uchrashuvi shu yilning 3 sentyabrida, Jahon
chempionati-2006 saralash bahsida
Paragvay terma jamoasiga qarshi o'tgandi.
Uning terma jamoadagi debyut goli
Xorvatiya bilan o'tgan o'rtoqlik
uchrashuvida kiritilgan bo'lsa, rasmiy
o'yindagi debyut golini 2006 yilda
Germaniya maydonlarida o'tgan Jahon
chempionatida Serbiya va Chernogoriya
termasi darvozasiga kiritgan (6:0).
Messining terma jamoadagi yutuqlari
Yoshlar o'rtasidagi jahon chempionati -
2005 yil
Olimpiada o'yinlari chempioni - 2008 yil
Uning klub bilan qo'lga kiritgan natijalari
(«Barselona»)
Ispaniya chempioni: 2004/05, 2005/06,
2008/09, 2009/10, 2010/11
Ispaniya kubogi sohibi: 2008/09
Ispaniya Superkubogi sohibi: 2005, 2006,
2009, 2010
Evropa chempionlar ligasi g'olibligi:
2005/06, 2008/09, 2010/11
UEFA Superkubogi chempionligi: 2009
Klublar o'rtasidagi jahon chempionati
go'libligi: 2009/2011
|
|
Категория: Yulduzlar biografiya |
Просмотров: 1655 |
| Рейтинг: 5.0/1 |
Добавлять комментарии могут только зарегистрированные пользователи. [ Регистрация | Вход ] |
|
|
