"Барселона" ҳужумчиси Лионел Месси кечаги эл-класикодан кейин иситма чиқиб кетган ва кечқурун клуб докторлари унинг уйига келишган.
— Лео Месси бугун эрталабки машғулотларда қатнаша олмади. Чунки унинг ҳарорати ошиб кетган ва ўзини ёмон ҳис қилаётганди, — дейилади жамоа расмий сайтида. — Аввалига докторлар унинг уйига бориб, аҳволини текширишди ва дорилар ёзиб бериб, дам олиши кераклигини айтишди. Умид қиламизки, жума кунигача у соғайиб, машғулотга қатнайди ва шанба кунги Мадриддаги эл-класикога тайёр ҳолда бўлади.
2 март куни Ла-Лига 26-турида "Реал Мадрид" ва "Барселона", яна бир эл-класико гувоҳи бўламиз.
Хави: Биз совринни бой бердик, лекин у унчалик муҳим эмасди
Каталониянинг "Барселона" клуби ярим ҳимоячиси Хави Эрнандес "Реал"га 3:1 ҳисобида ютқазиб қўйгач, Испания кубоги бу мавсум улар учун унчалик муҳим эмаслигини таъкидлади.
— Бу "Милан"га қарши кечган учрашувдан кейин яна бир зарба бўлди, лекин биз юришда давом этамиз. Тўғри, бир совринни бой бердик, лекин у унчалик муҳим эмасди. Биз ҳали иккита энг яхши ва керакли совринга эга чиқишимиз мумкин. Кечаги мағулбиятдан сўнг ғалаба йўлига тушиб олишимиз керак, — дея Хави сўзларидан иқтибос келтиради Sport.es нашри.
Андрес Иниеста: Биз кучли рақибларга қарши кетма-кет уч ўйинда мағлуб бўла олмаймиз "Барселона" жамоаси ярим ҳимоячиси Андрес Иниеста "Реал"дан қабул қилиб олинган мағлубият(1:3)дан сўнг кўк-анорранглилар бошқа мағлубиятга учрамасликлари керак эканини билдирди.
"Сўнгги ўйинларда жамоа ўзининг энг яхши ўйинини кўрсатмади. Биз "Милан"га, кейинчалик "Реал"га мағлуб бўлдик. Бизнинг савиядаги клуб учинчи бундай мағлубиятга йўл қўймаслиги керак. "Барселона" ҳакамларнинг қарорларига бўлган эътиборини умуман йўқотиши керак. Клубнинг барча футболчилари ўз ўйинларига эътибор қаратишсин. Шанба куни биз қийин аҳволда ҳам ғалаба қозонишимизни исботлашимиз керак", — дейди Иньеста.
|
