“Ko`nglim ko`chalari beto`siq ammo chalkash,
shu ko`chalarga kirmoqlik mushkul,
unda kezmoqlik esa undanda qiyin ish” Ko`nglim ko`chalari olis masofa,
Birda eziladi,birda kuladi.
Bir hovuch nur bo`lsa unga kifoya,
Mehrning sehriga mag`lub bo`ladi. To`fon-to`lqinlarda qolgan hislarim,
Tanishga ulgurmay uchar tuyg`ular.
Oh jonim…qinidan otilayotir,
Nurga belanyotir unsiz qayg`ular. Qalbim yo`llarida sirpanar sog`inch,
Yaxmalak osilgan devona dilga.
Beparvo kunlardan izlayman ovunch,
Xarsang to`lib borar zabon-u tilga. Sarsona o`ylarim,arosatda qalb,
Ne qilay!Yuragim bilan o`ylasam,
Orzurang farishtam,qo`ling ber menga,
Ming asr dilimdan senga so`ylasam. Sening istagingni imkoni bo`lsam,
Ona tuproq bo`lib yomg`irni ichsam.
Fig`onlardan qochib,alamdan kechib,
Qaniydi,osmonim,bag`ringga uchsam. Ko`nglimning ko`chasi uzoq masofa,
Yoxud ma’volarga tirmashgan bulut.
Yurakda yashirin bitta qiyofa,
Olmos,billurtimsol,tovlanar yoqut. Ko`zlarim yumilsa yaltiraydi ishq,
Sukunat raqsidan tebranar shamol.
Nigohing men uchun jannatiy bir ko`shk,
Sensizlik,men uchun kelmoqda malol . Ko`nglimning ko`chasi sirli masofa,
… Topsangiz yetasiz qalbim uyiga…
|
