| Статистика |
Hozirda saytda: 1 Mexmonlar: 1 Foydalanuvchilar: 0 |
|
Главная » 2013 » Mart » 18 » Ким чемпион бўлади
|
Тошкентда 14 ёшгача бўлган шахматчилар ўртасида ўтказилаётган Ўзбекистон чемпионатида юз нафарга яқин ўғил-қиз совринли ўринлар учун дона сурмоқда.
Тўртинчи турда пешқадамлар ўзаро баҳслашди. Мамлакатимизнинг кўп карра чемпиони пойтахтлик Ортиқ Неъматов самарқандлик Артём Арутунянни мот қилиб, очко йўқотмаган ягона шахматчи сифатида биринчи ўринга кўтарилди. Тошкентлик шахматчилар – ФИДЕ устаси Темур Игонин ва Саидакбар Сайдалиев баҳсида дуранг қайд этилди.
Яна бир қизиқарли учрашув жаҳон ва Осиё чемпиони, пойтахтлик Нодирбек Абдусатторов ва “Умид ниҳоллари – 2012” совриндори хоразмлик Нодирбек Яқуббоев ўртасида бўлди. Бу баҳсда ҳам кучлар тенг келди.
Қизлар ўртасида жаҳон чемпионати совриндори фарғоналик Гулруҳбегим Тоҳиржонова кетма-кет тўрт учрашувда ғалаба қозонган ягона шахматчи сифатида пешқадамлик қилмоқда. У тўртинчи турнинг марказий учрашувида пойтахтлик Баҳора Абдусатторовани қора доналарда мот қилди.
Мағлубиятсиз дона сураётган хоразмлик Нилуфар Ёқуббоева самарқандлик Сарвиноз Усмоновани мағлубиятга учратиб, уч ярим очко билан иккинчи ўринга кўтарилди. Чемпионатда учтадан партияда ғалаба қозонган яна саккиз нафар шахматчи қиз ҳам медаллар учун курашмоқда.
Зоҳир ТОШХЎЖАЕВ,
ЎзА мухбири
|
|
Категория: Sport yangiliklari |
Просмотров: 883 |
| Рейтинг: 5.0/2 |
Добавлять комментарии могут только зарегистрированные пользователи. [ Регистрация | Вход ] |
|
|
