Бу хақда Чехиянинг Ўзбекистондаги элчиси Гинэк Пэйха маълум қилди.
Ўтган йили чехлар Тошкентга трамвайлар етказиб берган бўлса, бу йил байрам муносабати билан Хива ва Урганч орасида ҳаракатланадиган троллейбусларни тақдим этди.
2012 йил охирида Ўзбекистон хукумати Чехиянинг Skoda компанияси билан қиймати 3,534 млн евролик 9 та янги троллейбусларни етказиб бериш бўйича шартномани имзолаган эди. Мазкур троллейбуслар Хоразм троллейбус бошқармаси давлат корхонаси эҳтиёжларига мўлжалланган. Шартномани молиялаштириш Ўзбекистон тикланиш ва тараққиёт жамғармаси кредити ҳисобига амалга оширилади.
Эслатиб ўтамиз, сўнгги марта Ўзбекистон 1994 йилда қиймати 18 млн. АҚШ доллари бўлган Чехиянинг CKD Shkoda компаниясининг 100 та троллейбусини сотиб олган эди.
Шаҳар электр транспортини оптималлаштириш мақсадида 2010 йил сўнггида Жиззаҳ, Фарғона, Наманган ва Тошкентда тролейбус йўналишлари олиб ташланган эди. Айни дамда Ўзбекистонда троллейбуслар фақат Хоразм вилоятида хизмат кўрсатмоқда.
