| Статистика |
Hozirda saytda: 1 Mexmonlar: 1 Foydalanuvchilar: 0 |
|
Главная » 2013 » Mart » 8 » Хоббит» миллиард доллар ишлади
19:04 Хоббит» миллиард доллар ишлади |
Питер Жексоннинг «Хоббит: Кутилмаган саёҳат» номли фильми жаҳон прокатида бир миллиард доллар ишлаб топди. Бу ҳақда The Hollywood Reporter хабар бермоқда.
Ёзувчи Жон Толкиеннинг романи асосида суратга олинган фильм АҚШда 300 миллион, жаҳоннинг бошқа мамлакатларида эса жами 700 миллион доллар ишлаб топди. Фильм бу натижани жаҳон прокатига чиққанига уч ой бўлмасидан қайд этишга муваффақ бўлди.
Шундай қилиб, «Хоббит» жаҳон кинематографияси тарихида бир миллиард доллар тўплашга муваффақ бўлган ўн бешинчи киноасар бўлди.
АҚШдан ташқари, «Хоббит» Германия (90 миллион доллар), Буюк Британия (84,3 миллион доллар) ва Францияда (44,9 миллион доллар) энг катта касса қилишга муваффақ бўлган. Россияда фильм 43,8 миллион доллар ишлаб топди. Февраль ойи охирида Хитойда «Хоббит» прокати бошланди ва ўн куч ичида фильм 37 миллион доллар тўплади.
«Хоббит: Кутилмаган саёҳат» фильми – Питер Жексоннинг бошқа бир эпопеяси – «Узуклар ҳукмдори»нинг приквели бўлган кинотрилогиянинг биринчи қисмидир. Ҳар иккала трилогия ҳам Толкиен асарларига асосланган. «Узуклар ҳукмдори»нинг учинчи қисми кинематография тарихида миллиард доллар ишлаган иккинчи фильм бўлганди. Трилогиянинг умумий йиғими 2,92 миллиард долларни ташкил этган.
«Хоббит: Смауг овлоғи» номли «Хоббит»нинг навбатдаги қисми 2013 йилнинг 13 декабрь куни экранларга чиқади. «Хоббит: У ерга ва ортга» номли сўнгги қисм эса 2014 йилнинг 17 декабрь куни прокатга чиқарилиши режалаштирилган.
|
|
Категория: Kino yangiliklari |
Просмотров: 774 |
| Рейтинг: 5.0/2 |
Добавлять комментарии могут только зарегистрированные пользователи. [ Регистрация | Вход ] |
|
|
