Эслатиб ўтамиз, туғилажак боланинг жинси ҳали ҳам номаълум, сабаби қироллик оиласи буни ўзлари учун ҳам, бошқалар учун ҳам сюрприз бўлишини хохлашмоқда.
Журналистларга берган интервьюсида Гари амаки чақалоқнинг жинси хақида ўз тахминини айтди. Голдсмифнинг сўзларига қараганда, Кейт Миддлтон қиз фарзандли бўлади. Шунингдек Голдсмиф чақалоқнинг келажакда қиролича бўлиши мумкинлигини ҳам эътироф этган.
Мана бир ҳафтадирки, бутун дунё Буюк Британия тахти вориси туғилишини кутмоқда. Шифокорлар туғруқ муддатини 13 июлга белгилашган эди, аммо бу кун ҳам ўтди. Чақалоқ туғилишини кутиб ўтирган репортёрлар Паттингтон шифохонасини ўраб олишган.
Дарвоқе, Британия ИИВ раҳбари Тереза Мэй қироллик анъанасига қарши ўлароқ Кейтнинг туғруғида иштирок этмайди. Уильям ва Кейтнинг туғилажак фарзанди жинсидан қатъий назар Британия тахтига Уэльс шаҳзодаси Чарльз, герцог Уильямдан кейиг учинчи давогар бўлади. Британия парламентининг ички ишлар бўйича махсус қўмитаси маълумотларига кўра, Британияда қадимдан Ички ишлар вазирининг қироллик оиласидаги туғруқларда гувоҳ сифатида иштирок этиш одати бор. Унга кўра, вазир ҳақиқатдан ҳам туғруқ содир бўлгани ва тахт вориси туғилганини тасдиқлаган. Мэйнинг сўзларига бу одатга амал қилинмаётганига анча бўлган.
Бундан келиб чиқадики, Елизавета II Британия тарихида туғруғида Ички ишлар вазири қатнашган энг сўнгги монарх бўлиши мумкин. Елизавета туғилган 1926 йилда мамлакатнинг ўша вақтдаги ички ишлар вазири сэр Уильям Жойнсон-Хикс (William Joynson-Hicks) иштирок этган. Лекин Уэльс шаҳзодаси Чарльз туғилганидан бошлаб вазирлар қатнашмай қўйган.
Агар Кейт ва Уильям қиз фарзандли бўлса, унда чақалоқ Кембридж маликаси жаноби олиялари, агар ўғил туғилса Кембридж шаҳзодаси жаноби олийлари мақомини олади.