Кечираман, кечир мени ҳам Ушалмаган орзулар учун Ўчираман, ўчир бари ғам Олис йўлда йўқолсин буткул. Кечираман, ёлғонларингни Сени тамом унутиш учун Сен ҳам унут армонларингни Юрагингда қолмасин тугун. Кечираман, кучим етади, Сенга даво топаман бугун. Энди фақат бахтга элтади, Ҳаётимни совурган қуюн. Кечираман, асло соғинчмас, Ишонч билан ўтсин дея кун. Хотиралар энди овунчмас, Елларга соврилар кукун. Кечираман, кечир илтимос, Унутаман, сен ҳам унутгин. Вафосизга қилмайин қиёс, Муҳаббатни буткул совутгин. Кечираман...
|