Главная » 2014 » Aprel » 2 » Катта iPhone’нинг оммавий равишда ишлаб чиқарилиши кечикиши мумкин
10:26
Катта iPhone’нинг оммавий равишда ишлаб чиқарилиши кечикиши мумкин
iPhone’ларни режа бўйича янгилаш бироз кечикиши мумкин: Apple’да 5,5 дюймли экранларни ишлаб чиқариш билан боғлиқ муаммолар юзага келган. Бу ҳақда Business Insider хабар бермоқда.
Экран диагонали катта бўлган телефонлар сўнгги вақтларда анча оммалашди ва iPhone ўзининг 4 дюймли экрани билан рақобатчилар орасида кўп ҳам ишончлидек кўринмаяпти.
Look At Me’нинг ёзишича, моделлар қаторини экран диагонали 4,7 ва 5,5 дюйм бўлган смартфонлар ҳисобига кенгайтириб, ҳозирги ноқулай аҳволдан чиқиб кетиш мумкин. Хабар беришларича, муаммолар айнан сўнгги модель билан боғлиқ.
Ҳозирча экрани 5,5 дюймли iPhone’нинг бозорга чиқиш муддатида бир неча ойга кечикадиган бўлиб турди. Бу ҳолат Apple’нинг кейинги стратегиясига қандай таъсир қилиши ҳозирча аниқ эмас: компания режалаштирилган тақдимотни кечиктириши, моделлардан бирининг савдоси бошланишини бошқа санага кўчириши ёки моделлардан бири учун алоҳида тақдимот ташкил этиши мумкин.
Нима бўлган тақдирда ҳам, Apple’нинг фланшетини (инглизча phablet – бир қурилмада ҳам телефон, ҳам планшет) сотиб олмоқчи бўлганлар бироз кутишларига тўғри келади.
