Главная » 2013 » Avgust » 3 » Канадалик сайёҳлар қор одамни видеога олишди (ВИДЕО)
05:22
Канадалик сайёҳлар қор одамни видеога олишди (ВИДЕО)
Иккита сайёҳ Канаданинг узоқ тоғларида қор одамни видеога олишга муваффақ бўлди.
Сайёҳларнинг сўзларига кўра, бу пайтда улар ўзининг нодир қушлари ва ҳайвонлари билан кишини ўзига тортадиган Британия Колумбияси провинциясининг боғларидан бирида сайр қилишаётган бўлган.
Саёҳатчилар табиат манзараларини тасвирга олаётган пайтда тўсатдан дарахтлар ортидан ғалати мавжудот пайдо бўлган. Уларнинг айтишича, бу мавжудот бир неча қадам босган ва яна дарахтлар ортига яширинган.
Улар бу мавжудотни қор одамни эслатадиган катта ва сержун махлуқ сифатида таърифлашмоқда. Сайёҳлар тасвирга олишга улгуриб қолган видео узоқ масофадан олинган бўлиб, унда қандай мавжудотни кўришганини фарқлаш қийин.
Масалани ойдинлаштириб олиш учун сайёҳлар роликни YouTube тармоғига жойлаштиришди. Улар мутахассисларнинг ундан бирор нарсани аниқлашларига умид қилишяпти. Шуниси қизиқки, ҳозирга келиб ушбу видеони томоша қилганлар сони 70 мингдан ошиб кетган.
