| Статистика |
Hozirda saytda: 3 Mexmonlar: 3 Foydalanuvchilar: 0 |
|
Главная » 2013 » Mart » 18 » ЙЎЛЧИЕВА ОЗОРБАЙЖОННИ ЗАБТ ЭТИШ ЙЎЛИДА
02:50 ЙЎЛЧИЕВА ОЗОРБАЙЖОННИ ЗАБТ ЭТИШ ЙЎЛИДА |
Озорбайжон Республикаси маданият ва туризм вазирлиги Баку шаҳрида 12-18 март кунлари бўлиб ўтажак “Мақом дунёси” халқаро мусиқа фестивалига Ўзбекистон халқ артисти Муножот Йўлчиевани таклиф этди.
15-18 март кунлари Муножат Йўлчиева мақомчилар танловида иштирок этади, унга қадар 12-15 март кунлари ёш хонандалар учун маҳорат дарслари ташкил этиб, фестивал доирасида ўтказилажак халқаро симпозиумнинг меҳмони бўлади.
Эслатиб ўтамиз, Муножотнинг репертуарида кўплаб миллий мақомлар, Навоий, Деҳлавий, Хазиний, Машраб, Фурқат ва яна қатор мумтоз ғазаллар билан куйланган қўшиқлар бор.
Ифтихор билан айтиш жоизки, “Мақом дунёси” халқаро мусиқий фестивалнинг биринчи тақдимоти лауреати ўзбек хонандаси Юлдуз Турдиева бўлганди.
“Мақом дунёси” 2009 йилдан бери қатор ташкилотлар Ҳайдар Алиев фонди, Маданият ва туризм вазирлиги, Бастакорлар уюшмаси, Фанлар академияси, Озорбайжон дўстлар маданияти фонди кўмагида ташкил этиб келинади.
Фестивал кунлари илмий анжуманлар, миллий мумтоз мусиқа ижроси танлови, опера ва хориж юлдузлари иштирокидаги концертлар ўтказилиши режалаштирилган.
“Мақом дунёси”да Европа, Осиё, Африка ва АҚШдан таниқли хонандалар иштирок этади. (Йигирмата мамлакатдана жами 50 та иштирокчи)
2008 йил сўнгида ЮНЕСКО “Мақом - инсоният маданий меросининг дурдонаси” дея эътироф этди. Бугунги кунда мақом Европа, АҚШ, Канада, Япония ва бошқа мамлакатларда машҳурдир.
Жасур ҲАМРОЕВ
|
|
Категория: O'zbek yulduzlari |
Просмотров: 682 |
| Рейтинг: 5.0/1 |
Добавлять комментарии могут только зарегистрированные пользователи. [ Регистрация | Вход ] |
|
|
