Янги Зеландияда сўнгги 30 йил ичидаги энг кучли қурғоқчилик кузатилмоқда.
Businessweek порталининг ёзишича, табиий офатдан Шимолий орол энг кўп зиён кўрган. Хабарларга қараганда, қуруқ ҳаво ўтган йилнинг декабрь ойида бошланган. Мамлакат ҳукумати жорий йилнинг март ойи бошида қурғоқчилик вазият кузатилаётгани ҳақида расман эълон қилган.
"BBC News”нинг маълум қилишича, мамлакат пойтахти Веллингтонда 18 кундан бери ёмғир ёғмаган.
Яқин кунларда Янги Зеландияда ёмғир кузатилиши мумкинлиги башорат қилинмоқда. Бу мамлакатда айни вақтда давом этаётган мураккаб шароитни анча енгиллаштиради.
Қурғоқчиликдан Янги Зеландия иқтисодиёти, айниқса, сут маҳсулотлари ишлаб чиқариш тармоғи катта зарар кўрган. Фермерлар энг камида 820 миллион АҚШ доллари миқдорида зиён кўришганини таъкидлашмоқда. Экспертларнинг айтишича, иқтисодиётнинг ўсиши 1,3 фоиздан 1,1 фоизга тушиб кетган.
darakchi.uz
|
