AQShlik Melissa Vaskes boshqarib ketayotgan avtomobil Kaliforniyaning Gamilton tog‘i hududida 150 metr chuqurlikdagi jarlikka qulab ketdi. Bu haqda ABC 7 ga tayangan holda Hi-tech.mail.ru xabar bermoqda . Foto: cdn.com Tunda qizning o‘gay onasi uning uzoq vaqt uyda yo‘q ekanligidan havotir ola boshlaydi, qizi esa qo‘ng‘iroqlarga javob bermasdi. Qizning onasi politsiyaga murojaat qilganida, avariyadan so‘ng OnStar bort tizimi yo‘l-transport hodisasi ro‘y bergani haqida xabar berganligi aniqlandi, ammo politsiya avtomobilni topa olmadi. Chunki tizim orqali aniqlangan koordinata umuman boshqa joyga olib borgan. Kamtar va topqir politsiya ofitseri Devid Kemeron qizning uyida iPad borligini ko‘rgach, vaziyatni to‘g‘ri baholab, qizning iPhonedan foydalanishini aniqladi. Devid parolni uchinchi urinishdan topdi. U odamlar ko‘pincha foydalanadigan raqamlar kombinatsiyasidan biri bo‘lib chiqdi. “iPhone’ni topish” (Find My iPhone) xizmati tufayli jarga qulagan mashina topildi va 20 daqiqadan so‘ng qizni qutqarishga vertolyot uchib ketdi. Haydovchi Vaskes tirik holda topildi, ammo uning oyoqlari jiddiy jarohatlangan bo‘lgan. Ma’lum qilinishicha, qiz topilganda halokat sodir bo‘lganiga 17 soat bo‘lgan va ozgina kechikish ham qizning o‘limiga olib kelishi mumkin edi.
