Главная » 2013 » May » 16 » iPad 2 планшети юракни тўхтатиб қўйиши мумкин
00:15
iPad 2 планшети юракни тўхтатиб қўйиши мумкин
iPad планшет компьютерлари имплантация қилинган кардиостимуляторлар билан алоқага киришиб, уларнинг фаолиятини издан чиқариши мумкин. АҚШда олиб борилган тадқиқотларга эътибор қаратадиган бўлсак, айрим ҳолларда бу юракнинг тўхтатишига олиб келади. Қолаверса колорадолик 14 ёшли Жианна Чен исмли ўқувчи ҳам айнан шундай хулосага келган.
Ўқувчи қиз ўзи олиб борган тадқиқотини эълон қилиб, iPad 2нинг устки қопламаси юракка ўрнатилган тиббий ускунани бузиши мумкинлигини исботлаб берган. Натижада юрак уришдан тўхтаб қолганда дефибриллятор уни қайта ишга туширолмайдиган даражага келиб қолади.
iPad 2 қопламасида эса турли кучланишдаги 14 та магнит бор. Айнан улар юракка қўйилган тиббий ускунани ишдан чиқаради. Чиен 26 нафар кўнгилли билан шифокорлар назорати остида тажриба ўтказди. IPad планшети кўкракка қўйилганида эса мижозларнинг 30 фоизида кардиостимуляторнинг ишлаши ўзгарган.
Ўқувчи қиз Heart Rythm Society йиллик тиббиёт анжуманида ана шу ҳақда маъруза ўқиди. Чиеннинг маърузасини 8 минг шифокор тинглади. Кардиостимуляторлар ишлаб чиқарувчи Medtronics компанияси эса Чиеннинг тадқиқоти тўғрилигини тан олди. "Мазкур тақдимот юрагида тиббий ускунаси бор мижозлар учун жуда фойдали маслаҳат бўлди. Улар янги технологиялар билан ишлаганда эҳтиёт бўлишлари ва камида 15 сантиметр оралиқ масофани сақлашлари лозим бўлади", - дейилади компания баёнотида.
Шундай экан, агар сиз ҳам ана шундай беморлар тоифасига кирсангиз, планшетлардан фойдаланганда эҳтиёткор бўлинг.
