Madridning «Real» klubi sardori Iker Kasilyas «Barselona»ga qarshi javob uchrashuvi borasida o'z fikrlarini bildirib o'tdi. «Biz bu uchrashuvni butunlay o'z nazoratimiz ostida o'tkazdik. Jamoa himoyada o'ta ishonchli harakat qildi. «Men «Real»ning o'yiniga 10 ballik tizimda 10 ball qo'ygan bo'lardim». «Krishtianu Ronaldu biz uchun umrbod muhim futbolchi bo'lib qoladi. U hozirda o'ta yuqori sport formasida. Shuningdek butun jamoa mana shunday yuqori formada deyish mumkin». «Diego Lopes? U juda yaxshi darvozabon. Uni oldindan juda yaxshi bilardim. U jamoa uchun ko'p foydasi tegadigan ekanini isbotlamoqda», deya Kasilyasning so'zlaridan iqtibos keltirmoqda «Real» rasmiy tvitteri.
