Главная » 2013»Mart»12 » Google эгаси билан гаплашадиган спорт оёқ кийимини яратди (видео)
15:53
Google эгаси билан гаплашадиган спорт оёқ кийимини яратди (видео)
АҚШнинг Техас шаҳрида бўлиб ўтган «SXSW» конференциясида Google компанияси «ақлли» кросовкаларнинг ноёб прототипини - Talkin Shoe намойиш этди. Мазкур оёқ кийимларининг антиқалиги шундаки, улар ўз эгалари билан гаплаша оладилар ва ҳатто маслаҳат ва буйруқлар ҳам бера оладилар. Маълумотларга қараганда, кросовкаларнинг ичидаги техник ускунани ва зарур софтни Google ўзи мустақил яратган. Оёқ кийими эса Adidas компанияси томонидан тикилган. Кросовкалар турли «феъл-атвор»га эга. Уларнинг баъзилари эгалари дангасалик қилаётганда танбеҳ беради. Бошқалари эса анча «позитив» дастурлаштирилган бўлиб, улар ўз эгаларини спорт билан шуғулланишга ва кўпроқ ҳаракатланишга ширин сўзлар билан ундайдилар. Қурилма кросовкалар иплари остидаги «Arduino» номли махсус тўлов асосида бошқарилади. Хоҳишга кўра, кросовкаларни Bluetooth орқали Android-смартфон ва ҳатто Google Glass кўзойнакларига улатиб олса бўлади. Бу орқали спорт борасидаги ютуқлар тўғрисида ижтимоий сайтлардаги дўстлар билан ўртоқлашиш имкони пайдо бўлади. Оёқ кийимига акселерометр, гироскоп ва босим датчиклари ўрнатилган. Мазкур кашфиётнинг яна бир ажойиб жиҳати шундаки, кросовкалар эгалари юритадиган турмуш тарзига қараб муомала қиладилар. Масалан, спортчиларга оддий одамларга нисбатан анча мураккаб талаблар қўядилар.
