GM Uzbekistan янги Nexia’ни 2016 йилда тақдимэтади
GM Uzbekistan компанияси яқин бир неча йил ичида ўз корхоналарида ишлаб чиқарилаётган автомобиль моделлари сонини камида учтага кўпайтиради. Бу ҳақда, AutoConsulting.com.ua’га асосланиб, 12news.uz хабар бермоқда. Хабар беришларича, дастлабки янги модель Nexia седанининг янги авлоди бўлади – у бозорда 2016 йил ўрталарида пайдо бўлиши кутилмоқда. Орадан яна икки йил ўтиб эски Chevrolet Lacetti базасидаги Gentra’нинг янгиланган варианти бозорга чиқарилади – бунда экстерьер ва салон кўринишида ўзгаришлар бўлиши кутилмоқда. 2017 йилда эса GM Uzbekistan минивэн ва Datsun mi-Do’га рақобат кўрсата оладиган янги, В синфига оид хэтчбекни тақдим этишни режалаштираётган бўлса, 2018 йилда камхарж кроссовер тақдим этилиши кутилмоқда. Аввалроқ, «Ўзавтосаноат» компанияси Ўзбекистон ҳукуматининг 11 сентябрдаги қарорига асосан GM Uzbekistan’да Chevrolet Aveo машиналирини ишлаб чиқаришни йўлга қўйиш бўйича тайёргарлик ишларини бошлаган эди.