Главная » 2014 » Sentyabir » 26 » GM Uzbekistan 2013-yilgi Damas’larni rul bilanbog‘liq kamchilik tufayli chaqirib olmoqda
07:56
GM Uzbekistan 2013-yilgi Damas’larni rul bilanbog‘liq kamchilik tufayli chaqirib olmoqda
GM Uzbekistan qo‘shma korxonasi 2013-yilda ishlab chiqarilgan ba’zi Damas avtomobillarini texnik ko‘rikdan o‘tishga chaqirmoqda.$CUT Bu haqda Facebook’dagi “Voditeli Tashkenta” guruhi a’zolaridan biri xabar berdi. Ma’lum bo‘lishicha, foydalanuvchiga kompaniya nomidan uning Damas avtomashinasidagi kamchiliklar haqida maktub kelgan. Unda qayd etilishicha, GM Uzbekistan 2013-yilda ishlab chiqargan Damas avtomobillarini mahsulot xavfsizligi bo‘yicha qaytarib olishga qaror qilgan. “GM Uzbekistan 2013-yilda chiqarilgan Damas avtomobillarining ba’zilarida rul ustunidagi tishli ulanish joyining yemirilganini aniqladi”, — deyiladi maktubda. Kompaniya avtomobil egasidan ma’lum avtosalonga kelishini so‘ragan. U yerda mashinadagi pastki rul ustuni bepul almashtirib berilishini qayd etgan. Ta’kidlash joiz, chaqirib olish kampaniyasi haqida rasmiy ma’lumot berilmagan; chevrolet.uz sayti esa ishlamayapti. Eslatib o‘tamiz, o‘tgan yili General Motors Cobalt avtomobilida rul tyagasi bilan bog‘liq kamchilik aniqlangani haqida xabarnoma tarqatgan edi. Ushbu holatning oldini olish maqsadida kompaniyaning dilerlik korxonalariga barcha Chevrolet Cobalt avtomobillarida rul tyagasi uchlarining yetarlicha qotirilgani tekshirib ko‘rilishi vazifa qilib belgilangan edi. Yaqinda esa General Motors o‘z avtomobillarini dunyo bozoridan qaytarib olishini e’lon qildi. Bu safar servis aksiyasi 2013 va 2014-model yillaridagi Cadillac XTS va 2014—2015-model yillaridagi Chevrolet Impala sedanlariga tegishli bo‘ladi. General Motors ushbu avtomobillarda elektron to‘xtash tormozida nosozlik aniqlanganini ta’kidladi. Ta’kidlash joiz, yil boshidan buyon kompaniya turli muammolar sababli 30 millionga yaqin avtomobilini qaytarib olgan.
