Главная » 2013 » May » 9 » Futbol: kelishilgan o‘yinlar ro‘yxatiga O‘zbekiston chempionatining ikkita o‘yini kiritildi
22:14
Futbol: kelishilgan o‘yinlar ro‘yxatiga O‘zbekiston chempionatining ikkita o‘yini kiritildi
"Reyting Bukmekerov” tashkiloti turli bukmekerlik kontoralaridan 2012-2013-yillar davomida shubhali va kelishilgan o‘yinlarni qabul olib, ularning ro‘yxatini tuzib chiqdi. Ro‘yxatda 6 ta sport turi bo‘yicha 31 holat qayd etilgan. Bu haqda Stadion.uz sayti xabar bermoqda.
Ro‘yxatdagi o‘yinlarning 15 tasi tennisga taalluqli bo‘lsa, 9 tasi futbolga tegishli. Ana shu 9 ta o‘yinning 2 tasi O‘zbekiston chempionatida qayd etilgan. Ulardan biri 2012-yil 25-may kuni bo‘lib o‘tgan "Metallurg” va "So‘g‘diyona” o‘rtasidagi O‘zbekiston kubogi bahsi bo‘lsa, ikkinchisi Birinchi liga jamoalari o‘rtasidagi "Xiva” — "Kosonsoy” bahsidir (2012-yil 18-sentyabr).
Xivada bo‘lib o‘tgan bahs haqida "Xiva stadionida kulgi kechasi” sarlavhali maqola yuqorida nomi keltirilgan saytda chop etilgandi. Unda mezbonlar birinchi bo‘limdan so‘ng 0:2 hisobida mag‘lubiyatga uchrab turib, ikkinchi bo‘limda 4:3 hisobida raqibidan ustun kelgandi.
