| Статистика |
Hozirda saytda: 1 Mexmonlar: 1 Foydalanuvchilar: 0 |
|
Главная » 2012 » Noyabr » 21 » Frantsiya Afg'onistondan o'z qo'shinlarini olib chiqa boshladi
20:40 Frantsiya Afg'onistondan o'z qo'shinlarini olib chiqa boshladi |
Frantsiya o'zining Afg'onistondagi oxirgi harbiy missiyasini
yakunladi.Seshanba, 20 noyabr kuni Qobul shahri tashqarisidagi
oxirgi frantsuz forposti hisoblangan Kapis provintsiyasidagi Nijrob
bazasidan frantsuz qo'shinlari olib chiqildi. Frantsuz askarlari
Afg'onistonni uzil-kesil dekabr oyida tark etadi.
Qayd etamiz, Frantsiya 2001 yili afg'on kampaniyasiga qo'shilgan
edi. Frantsuz kontingenti Xavfsizlikka ko'maklashuvchi xalqaro
kuchlar (ISAF) tarkibida miqdori bo'yicha Amerika, Britaniya,
Germaniya va Italiya qo'shinlaridan keyin beshinchi o'rinda
turadi. O'n bir yil kechgan urush davomida frantsuzlar bu erda 88
nafar harbiyni yo'qotdi.
Ayni paytda Afg'onistonda taxminan 2,2 ming nafar frantsuz
harbiysi bor. Ularning 700 nafari yil oxirigacha vataniga qaytishi
kerak, qolgan bir yarim mingta askar esa jangovar bo'lmagan
vazifalarni bajarish, xususan armiya mulkini olib chiqish va afg'on
askarlarini tayyorlashga yordam berish uchun qoladi.
Yuz mingga yaqin harbiydan iborat koalitsiya kuchlari
Afg'onistonni 2014 yilda butkul tark etadi. Frantsiyaning sobiq
prezidenti Nikolya Sarkozi frantsuzlar o'zining harbiy missiyasini
2013 yilda yakunlaydi, deb taxmin qilgandi, biroq uning vorisi
Fransua Olland koalitsiya askarlariga qarata qilinayotgan ko'p
sonli hujumlar natijasida qo'shinlarning Afg'onistondan
chiqarilishini tezlashtirishga qaror qildi.
|
|
Категория: Dunyo xabarlari |
Просмотров: 1761 |
| Рейтинг: 5.0/2 |
Добавлять комментарии могут только зарегистрированные пользователи. [ Регистрация | Вход ] |
|
|
