| Статистика |
Hozirda saytda: 1 Mexmonlar: 1 Foydalanuvchilar: 0 |
|
Главная » 2013 » Yanvar » 28 » Фонограммада куйлаган Бейонсе маломатга колди
17:16 Фонограммада куйлаган Бейонсе маломатга колди |
АҚШ Президенти Барак Обаманинг 22 январь куни
бўлиб ўтган инаугурация маросимида давлат Гимнини ижро этган хонанда Бейонсе билан боғлиқ жанжал бошланди. Бейонсе гимнни фонограммада куйлаганликда айбланмоқда. Washington Post газетасининг ёзишича қўшиқчига жўр бўлган ҳарбий оркестр созандалари эса ижро вақтида бир неча марта адашиб кетишган. Ушбу мавзу махаллий журналистларнинг қизғин муҳокамасига сабаб бўлди. Улар Бейонсе ҳақиқатдан ҳам жонли куйлаган ёки йўқлиги борасида ўзаро тортишишмоқда. Баъзиларнинг фикрича, концертнинг ёзиб олинган тасмасида қўшиқчининг лаблари гимн ижросига мос равишда қимирламагани яққол сезилган. Washington Post журналистлари вазиятга
ойдинлик киритиш учун денгиз пиёда оркестри вакилларига мурожаат қилишди. Бироқ улар бу
ҳақда тайинли маълумот беришмади. Гап шундаки, 22 январь куни ушбу ансамбл раҳбари унинг мусиқачилари гимн мусиқасини фонограмма орқали ижро этишганини очиқ айтганди. Лекин у Бейонсенинг ижроси жонли ёки ёзиб олингани борасида аниқ бир гап айтолмаган. Шунингдек,
Бейонсенинг микрафони
ёқиқмиди ёки йўқ, деган савол ҳам жавобсиз қолган. Дирижер Эрик Фланаганнинг журналистларга маълум қилишича, президент инаугурация қўмитаси энг бошиданоқ барча мусиқачилардан фақат жонли ижро этишни сўраган, бироқ Бейонсе ва ансамблнинг гимнни тайёрлашга етарлича вақти бўлмагани учун ҳукумат бу сафар истисно тариқасида фонограммага рухсат берган. Қизиқарли томони, бундан аввал ҳарбий оркестрнинг бошқа бир вакили ўша куни ижро тўлиқ фонограммада ижро этилганини ишонч билан маълум қилганди. Эрик Фланаганнинг таъкидлашича, бу саволга фақат Бейонсенинг ўзи ва овоз режиссёри аниқ жавоб бера олиши мумкин. АҚШнинг етакчи нашрларидан бирининг ёзишича, Бейонсенинг фонограммада куйлаши ҳеч нарсани англатмайди, зеро мамлакат поп- юлдузларининг "оғзини қимирлатиб туриши" одатий ҳолга айланмоқда. Қолаверса, Бейонсенинг ўзи бундан бироз аввал Instagram тармоғига овоз ёзиш студиясидаги гимн ижро этиш жараёнига оид фотосуратни жойлаштирган эди. Демак, у буни яширишга уринаётгани йўқ. Қаранг, битта ҳали исботланмаган фонограмма атрофида қанча гап! Агар, америкаликлар уларнинг
хонандалари баъзи ўзбек қўшиқчиларига ўхшаб яккахон концертида ҳам фонограммада куйлаганида нима қилган бўлишар эди!
|
|
Категория: Jahon yulduzlari |
Просмотров: 795 |
| Рейтинг: 5.0/9 |
Добавлять комментарии могут только зарегистрированные пользователи. [ Регистрация | Вход ] |
|
|
