«Агар эртага ўзга сайёраликлар учиб келса нима бўлади?» — ушбу ғаройиб тасвирларнинг муаллифлари ўзига шундай савол берган бўлса, ажабмас.

Турли мамлакатларнинг рассомлари ва иштиёқмандлари қадимдан геоглифлар номи остида маълум бўлган улкан тасвирларни яратиб келган. Уларни бемалол фазодан туриб ҳам кўриш мумкин. Эътиборингизга "Google Earth” сервиси ёрдамида олинган ушбу объектларнинг фотосуратларини тақдим этамиз.  

1. 2006 йили Улан-баторда ўтказилган Наадам анъанавий мўғил маданияти фестивали пайтида яратилган Чингизхоннинг сурати.

2. Германиянинг Бад-Франкензаузен-Кифхойзер шаҳри яқинида 2009 йилда яратилган улкан шахмат доскаси (400×400 м).

Тўрт йил муқаддам ушбу доскада шахмат бўйича Германия аёллар терма жамоасининг аъзоси Элизабет Пац жаҳон шахмат ҳамжамиятига қарши дона сурганди.

3. Перудаги Липата петроглифлари (қоядаги суратлар)

Эрамиздан олдинги 500 ва 400 йиллар оралиғида пайдо бўлган ушбу суратлар Паракс маданий меросининг бир қисми ҳисобланади.

4. Неллис авиабазасидаги зенит-ракета мажмуи, Невада штати, АҚШ

5. Аргентина пампасларида яратилган гитара шаклидаги ўрмон

Ушбу ғаройиб геоглиф аргентиналик фермер Педро Мартин Урета 1977 йили 25 ёшида вафот этган рафиқаси Грасиеланинг хотирасига яратган. Ўрмон 7 мингдан зиёд сарв дарахти ва эвкалиптлардан иборат, "гитара”нинг узунлиги эса 1 км.га яқин. 

6. "Вақт ичра орол” номли кельт белгиси, муаллиф – рассом Вильгельм Холдерид.

Ушбу белги 1995 йилда яратилган бўлиб, Германиянинг Мюнхен аэропорти яқинида жойлашган.

7. Юрак шаклидаги майсазор, Жанубий Глостершир, Буюк Британия

Ушбу геоглифни фермер Уинстон Хоус 18 йил олдин вафот этган рафиқасининг хотирасига бағишлаган. Уни яратиш учун 6 мингга яқин эман дарахтининг кўчати керак бўлган.

8. Дунёдаги энг катта "бармоқ изи”, Парк Хоув, Брайтон, Буюк Британия.

"Бармоқ изи”нинг узунлиги 38 метрни ташкил этади.

9. Одам шаклидаги кўл, Сан-Паулу штати, Бразилия.

10. Дунёдаги энг катта портрет. Унда Туркиянинг биринчи президенти Мустафо Камол Отатурк тасвирланган.

Туркиянинг Энзинжан шаҳри яқинидаги ушбу сурат 7,5 километр квадрат майдонни эгаллаган бўлиб, унинг устида бир ой давомида 3 мингта аскар ишлаган.

11. «Олтин спираль», ландшафт рассом Хансйорг Вот ва архитектор Петер Рихтер инсталляцияси, Марокаш, 1992–1997 йиллар.

12. Клейтруп кўлидаги дунё харитаси, Дания. Муаллиф Серен Поулсен уни 1944-1969 йиллар оралиғида яратган.

13. Наска чизиқлари (Наска геоглифлари), Наска платоси, Перунинг жанубий қисми, тахминий яратилиш вақти — эрамизнинг 400 ва 650 йиллари оралиғи.