Главная » 2013»May»31 » Эчкисини қизғанган қўчқор дуч келган одамга ташланаверди (видео)
07:20
Эчкисини қизғанган қўчқор дуч келган одамга ташланаверди (видео)
Бразилиялик қўчқор YouTube тармоғининг қахрамонига айланди. Сан-Паулу яқинидаги шаҳарчада одамларга хамла қилган зўравон ҳақидаги ролик уч кун ичида қарийб 3 млн. марта томоша қилинди.
Эчки дугонасини бегоналардан ўзича ҳимоя қилмоқчи бўлган бразилиялик Ромео бу кетишда интернет "қироли" кореялик PSY ҳам ортда қолдириши ҳеч гап эмас.
Аввалига ушбу уй ҳавонлари тинчгина кўча айланиб юришганди, кейин эса қўчқорнинг назарида одамлар дугонасига хавф туғдираётгандек туюлди-ми, тўсатдан атрофдагиларни суза бошлади. У одамларни ҳайдаш билан овора бўлган бир пайтда, эчки хотиржам ўт кавшаб олишга ҳам улгурди.
"Қутирган" қўчқордан айниқса кекса аёл жабр кўрди. Аввалига уни жиддий эътибор бермаган аёл қўчқорнинг зарбасидан кейин ерга ўтириб қолди, агар эркак киши ёрдам бермаганида ким билади воқеа нима билан тугарди. Бироқ, эчкининг ховури шу билан босилмасди, у ҳатто мотоциклчини бир зарба билан ишдан чиқарди. Ҳатто уни мазза қилиб тасвирга тушириб юрган тасвирчи ҳам хавфдан базўр қутилиб қолди.
Ниҳоят қўчқорни тилини тушунадиган одам топилди. Бўйнидаги боғичдан тутиб олган йигитча уни тинчлантирди ва фермер эгасига топширди.
