Главная » 2013 » Avgust » 6 » Дунёда энг йирик янги авиакомпания ташкил қилинади
21:13
Дунёда энг йирик янги авиакомпания ташкил қилинади
Европа Иттифоқи Американинг "US Airways" ва "American Airlines" авиакомпанияларининг қўшилишига рухсат берди, аммо бу борада бир қатор талабларни илгари сурди.
Бу хақда Иттифоқнинг рақобат бўйича комиссари Хоакин Альмуни маълум қилди. ЕИ вакилининг айтишича, мазкур компания авиаташув соҳасида дунёда энг етакчиси бўлади.
Аммо Европа Иттифоқи ушбу компанияларнинг қўшилиши Лондон-Филадельфия маршрутида монополия юзага келиб чиқишига олиб келиши мумкинлигидан хавфсирамоқда. Шу сабабли бирлашган авиаташувчи ушбу йўналишдаги жадвалига ўзгартиш киритиши ва бошқа авиакомпанияларга ҳам шароит яратиб бериши керак бўлади.
Иккита йирик Америка авиакомпаниясининг бирлашиши шу йилнинг учинчи чорагида якунланиши керак. Тахминларга кўра янги авиаташувчининг капитали 11 млрд. доллардан ошади . Бу эса Европанинг баъзи кичик мамлакатларининг ЯИМ ҳажмига тенгдир.