Главная » 2014»Mart»5 » Click orqali O‘zbekiston–BAA uchrashuviga chipta xarid qilish mumkin
08:12
Click orqali O‘zbekiston–BAA uchrashuviga chipta xarid qilish mumkin
1-martdan boshlab Click tizimi foydalanuvchilari O‘zbekiston va BAA terma jamoalari o‘rtasidagi futbol uchrashuviga chiptalar sotib olish mumkin. Bu haqda tizim matbuot xizmati xabar berdi. Chiptalarni xarid qilish uchun USSD-menyuga kirib, "Futbol” bo‘limi tanlanadi va chipta turiga qarab to‘lov o‘tkaziladi.
Chiptalar narxi 15 ming so‘mga teng. O‘yinni do‘stlar hamda yaqinlar davrasida tomosha qilish uchun VIP-xonalar ham mavjud. VIP-xonalar narxi 150—200 ming so‘m.
To‘lov o‘tkazilgandan so‘ng, xaridorning telefoniga maxsus kod ko‘rsatilgan SMS-xabar keladi. Chiptani olish uchun esa ushbu xabarnomani stadion chiptaxonasiga taqdim etish kerak. Kassada SMS-xabarning aslligi tekshirilgandan keyin foydalanuvchiga stadion ma’muriyati tomonidan qabul qilingan chipta beriladi.
Sotuv davri chegaralanganligi sababli chiptalarni faqat *880# USSD-so‘rovi orqali ochiladigan menyuda sotib olish mumkin.
Eslatib o‘tamiz, Osiyo Kubogi-2015 saralashi doirasida o‘tkazilayotgan O‘zbekiston hamda BAA terma jamoalari uchrashuvi 5-mart kuni "Bunyodkor” stadionida Toshkent vaqti bilan soat 17:00 da boshlanadi.
