| Статистика |
Hozirda saytda: 1 Mexmonlar: 1 Foydalanuvchilar: 0 |
|
Главная » 2013 » Aprel » 11 » Чехия ва Ўзбекистон ўртасидаги авиация битими ратификация қилинди
22:53 Чехия ва Ўзбекистон ўртасидаги авиация битими ратификация қилинди |
3 апрел куни Чехия Республикасининг юртимиздаги элчихонасига Ўзбекистон ташқи ишлар вазирлигининг дипломатик нотаси келиб тушди.
Унда Чехия ва Ўзбекистон республикалари ўртасидаги ҳаво қатнови ҳақидаги янги битим ратификация қилингани маълум қилинган.
Элчихона маълумотларига қараганда, келишув юқорида таъкидланган ҳужжат қўлга киритилгач 60 кундан кейин яъни 2013 йилнинг 2 июл куни кучга киради.
Мазкур битим икки томоннинг авиация корхоналари ва уларнинг ҳаво кемаларини зарурий анжомлар, мой, техник ускуналар ва эҳтиёт қисмларини импорт чекловларидан, божхона тўловларидан, солиқ ва бошқа йиғимлардан озод қилишини таъминлайди.
Ушбу келишув йўловчиларни тўғридан-тўғри ташиш жараёнига ҳам енгиллик киритади. Айни дамда Чехия ва Ўзбекистон пойтахтлари ўртасида тўғридан-тўғри ҳафтасига икки маротаба ҳаво қатнови мавжуд бўлиб, уларни Czech Airlines (ČSA) авиаташувчиси Airbus A-319 самолётида амалга оширмоқда.
ČSA компанияси 47 та йўналиш бўйича 27 та мамлакатга қатновларни амалга оширади ва ҳар йили 4 миллион йўловчига хизмат кўрсатади. 2013 йилнинг 13 март куни Чехия хукумати ČSAнинг 44% акциясини Жанубий Кореянинг Korean Air авиакомпаниясига сотишга қарор қилди. Келишувни имзолаш маросими 10 апрел куни Прагада бўлиб ўтди.
|
|
Категория: O`zbekiston Yangiliklari |
Просмотров: 767 |
| Рейтинг: 5.0/2 |
Добавлять комментарии могут только зарегистрированные пользователи. [ Регистрация | Вход ] |
|
|
