Kingston kompaniyasi "Consumer Electronics Show 2013" (CES 2013) ko'rgazmasida dunyodagi eng birinchi 1 terabaytlik USB-fleshkani namoyish qildi. Bu sohadagi texnologik rivojlanish judayam tez ketmoqda. Chunki, atigi bir yil avval ham maksimum 256 gigabaytgacha bo'lgan fleshkalar sotuvda edi. Bir yil ichida esa uning hajmi 4 barobarga ortdi. Ushbu fleshka "DataTraveler HyperX Predator 3.0" deb nomlanib, u USB 3.0 standartini qo'llab-quvvatlaydi. Undagi ma'lumotlarni kompyuterga ko'chirish tezligi — 240 megabayt/soniya, fleshkaga ko'chirish tezligi esa — 160 megabayt/soniya. Fleshkaning narxi, har doimgidek, e'lon qilinmagan. Balki, ular ommani yuqori narx bilan qo'rqitishni xohlamagandir, chunki 512 gigabaytlik fleshka 1337 dollar turishini hisobga olsak, 1 terabaytlik variant 2500-3000 dollar atrofida turishi mumkin