Главная » 2013»Mart»23 » "Бунёдкор" стадиони чиптахонаси яна очилди (фотосуратлар)
18:55
"Бунёдкор" стадиони чиптахонаси яна очилди (фотосуратлар)
Аввал хабар қилинганидек, 26 март куни бўлиб ўтадиган Ўзбекистон - Ливан футбол учрашуви учун чиқарилган чипталар бугундан "Бунёдкор" стадионининг кассаларида яна сотила бошланди.Мобил мухбирларимиздан бирининг хабар беришича, чипталар сотуви соат 11 дан бошланган ва ҳозирда чиптахона атрофида тахминан 3000 нафар харидор навбат кутмоқда. Шу пайтгача 2, 4, 6 ва 8-секторларнинг деярли барча чипталари сотиб бўлинган. Бугундан эътиборан, 5 ва 7-секторларга чипталар сотуви бошланган. Баъзи маълумотларга кўра, чипталар савдоси интернет тармоғида ҳам олиб борилган. Хусусан, torg тармоғига жойлаштирилган эълонда мазкур учрашувга чипталар таклиф қилинган, бироқ уларнинг нархи асл нархидан 5 баробар қиммат эканлиги айтилмоқда.
Эслатиб ўтамиз, Ўзбекистон ва Ливан терма жамоалари 2014 йили Бразилияда бўлиб ўтадиган жаҳон чемпионати саралаш мусобақалари доирасида 26 март куни Тошкентдаги "Бунёдкор" стадионида ўзаро баҳс олиб боради. Ўйин соат 18:00да бошланади.
Ушбу учрашув чипталари расман 18 март куни соат 14:00да бошлангани ва бир кунда 6000 та чипта сотилгани маълум қилинган, лекин гувоҳларнинг сўзларига кўра сотув анча кеч, 17:30 да бошланган.
35 минг мухлис сиғадиган "Бунёдкор" стадионига ушбу ўйин учун 28 минг атрофида чипта сотувга чиқарилган.
