Ўзбекистондан Япониянинг Хиросима шаҳрига 83 нафар мухлис "Бунёдкор"ни қўллаб-қувватлаб туриш учун ташриф буюрган эди. Ўйиндан кейинги интервьюларида футболчи ва мураббийлар ушбу мухлислар ҳам 2:0 ҳисобидаги натижага ўз ҳиссаларини қўшишганини айтиб ўтишди.

Энди навбат энди Хитой сафарига.

10 апрель куни Хитойнинг "Бейцзинг Гуоан" ва "Бунёдкор" жамоалари ўртасидаги ОЧЛ баҳсини бевосита стадиондан томоша қилиш истагида бўлганлар диққатига!

"Бунёдкор" мухлислар клуби ҳамда Ўзбекистон футбол мухлислари клуби томонидан ҳамкорликда футбол тур ташкил этилмоқда. Ушбу сафар 5-12 апрель кунлари ташкил этилмоқда.

Сафар давомида Буюк Хитой девори, дунёга машҳур Бейцзинг тинчлик боғи, Бейцзинг сув ости дунёси, Бейцзинг панда ҳайвонот боғи ва яна кўплаб диққатга сазовор жойларига бир ҳафта давомида қизиқарли саёҳатлар уюштирилиши ҳам қўшимча қилинган.

Мухлислардан ҳеч қандай қўшимча хизмат ҳақи ва туристик фоизлар олинмайди. Аксинча гуруҳ учун меҳмонхоналар ҳамда авиачипталарда чигирмалар бор. Ҳужжатлар 24 мартга қадар қабул қилинади. Паспортингизда хорижга чиқиш визаси бўлиши шарт.

Уюштириладиган 8 кунлик сафарга бориш ҳамда Ўзбекистон жамоасини халкаро аренада қўллаб-қувватлашни истаганлар +998901759001 рақамига қўнғироқ қилиб қўшимча малумотлар олишингиз мумкин.

Манба: www.uff.uz