Сан-Францискодаги Калифорния университетининг бир гуруҳ тадқиқотчилари мия кексайишини секинлаштиришга қодир компьютер ўйинини ишлаб чиқди. Синовлар 60 дан 85 ёшгача бўлган кўнгиллиларда ўтказилди.
"NeuroRacer” ўйини битта қўшимча вазифага эга пойга симуляторидан иборат. Синовлар жараёнида ўйинчи жойстик ёрдамида автомобилни бошқаришдан ташқари, экранда муайян символ пайдо бўлганида тугмачани босиши керак бўлган. Бунда трассада "тўғри” символлар ҳам, эътибор қаратилмаслиги керак бўлган символлар ҳам учраган. Олимларнинг фикрича, машинани муайян элементларни излаш билан бирга бошқариш мияни машқ қилдириш имконини беради, бу эса ўз навбатида, миянинг бир пайтда бир нечта вазифани бажариш қобилиятини оширган ҳолда, унинг кексайиш жараёнини секинлаштиради ёки тўхтатади.
