Главная » 2013»Mart»6 » "Бу кўйлакни киймабсиз, дунёга келмабсиз
05:08
"Бу кўйлакни киймабсиз, дунёга келмабсиз
"Бу кўйлакни киймабсиз, дунёга келмабсиз...”
* * * Эшик тақиллади: – Кечирасиз, сизга янги чиққан оқ ва қора кўйлакларимизни таклиф қилмоқчиман. Сотиб олинг, зарар қилмайсиз. – Йўқ, раҳмат, шарт эмас. – Мана бу оқ кўйлакни қаранг, кийиб маза қиласиз. – Керак эмас дедим сизга! – Аммо бир ўйлаб кўринг. – Агар яна бир марта шу ҳақда гапирсангиз, зинадан улоқтириб юбораман. – Бу кўйлакни киймабсиз, бу дунёга келмабсиз... Уй эгаси кўйлакфурушни зинадан улоқтириб юборди. У бетон устига учиб тушиб, анча вақт ҳаракатсиз ётди. Кейин бир амаллаб ўрнидан турди ва юзларини артиб, яна зинадан кўтарилиб эшикни тақиллатди. – Оқ кўйлак бўйича фикрингиз тушунарли, энди қора кўйлак тўғрисида гаплашсак...
*** – Кеча театрда рақсга тушдим. – Сен раққосмисан? – Йўқ, ҳожатхонада навбат узун экан.
*** Шифокор ҳузурида: – Кунига неча соат ухлаяпсиз? – Уч-тўрт соат... – Бу жуда оз-ку, касаллигингиз шундандир. – Мен учун етарли, мен тунда ҳам камида тўққиз соат ухлайман.
*** Эр-хотин ва ўғиллари олтин балиқ тутиб олишди: – Сизлар уч киши экансизлар, ҳар бирларингнинг биттадан тилакларингни бажараман. – Велосипедим бўлишини хоҳлайман, – қичқирди ўғил. – Ҳа, велосипедингга ўт тушсин, – ёзғирди онаси. – Икковингнинг ҳам овозинг ўчсин, – бақирди ота. Ваъда-ваъда... Олтин балиқ ҳаммасининг тилагини тўлиқ бажарди.
*** Бир киши гўрков ёнига борди: – Итим ўлиб қолди, ёрдам қилсангиз... – Э, каллангиз ишлайдими, мен ГЎРКОВМАН, ўлган одамларни кўмаман. Боринг ветеринарга. – Майли, раҳмат. Ишқилиб, ветеринар қўлимдаги икки миллионга кўнармикан... – Ие, ака, раҳматли итингиз туппа-тузук одам экан-ку!
*** Ажойиб даврда яшаяпмиз. Йигит қизни ром қилиш учун интернет орқали йўллаётган хатини хатосиз ёзса, кифоя.
* * * – Хотин, биз ажрашишимиз керак. – Ажрашсангиз, кетиб қоламан. – Унда албатта ажрашишимиз керак.
* * * – Эринг билан қандай яшайсан, доим маст бўлиб юради-ку? – Маст бўлиб юргани учун яшайман-да. Ҳушёр бўлса, аллақачон кетиб қолган бўларди.
