Очиқ ҳавода ўз душхонангизга эга бўлиш нафақат романтика бағишлайди, балки иссиқ иқлимли мамлакатлар учун долзарб ҳам ҳисобланади.
Бироқ, шунга қарамасдан, “тескари душ” номини олган Viteo оригинал душ ғояси иссиқ кунларни бармоқ билан санаса бўладиган Буюк Британияда муҳандис Дэнни Венлет томонидан ўйлаб топилди.
Viteo души сирпанмайдиган пластик ва зангламайдиган пўлат аралашмасидан яратилган портатив ташқи блокдан иборат. Блок мос келадиган жойга ўрнатилганидан кейин душ сув тармоғига уланади. У ишлаши учун платформага оёқ босишнинг ўзи кифоя. Viteo души сув оқимини думалоқ платформа-асоснинг ташқи қирғоқлари бўйлаб жойлашган соплолар орқали итариб чиқаради. Одам қурилманинг ўртасида турганида сув 4 метр баландликкача кўтарилиши мумкин.
Душни созлаш жуда осон, уни ўрнатиш учун эса бор-йўғи кичикроқ ер участкаси ва сув тармоғига улаш учун шланг керак, холос. Viteo душини Британия интернет-дўконларида 625 еврога харид қилиш мумкин.
