Канаданинг смартфонлар ишлаб чиқарувчи “BlackBerry” компанияси ўз акцияларининг ҳаммасини мамлакатдаги энг йирик консорциумлардан бири бўлган “Fairfax Financial Holdings”га 4,7 млрд. долларга сотиш бўйича битим тузганини эълон қилди. Ҳозир ушбу компанияга смартфонлар ишлаб чиқарувчисининг тахминан 10% қимматли қоғозлари тегишли. “BlackBerry” директорлар кенгаши имзоланган битим шартларини маъқуллади. Келишув 4 ноябрга қадар узил-кесил расмийлаштирилади. Қайд этиб ўтамиз, 2008 йилда “BlackBerry” Канададаги энг қиммат компания ҳисобланган. Унинг активлари 83 млрд.долларга баҳоланган, битта акциянинг қиймати эса 140 доллардан ошган. Ҳозир Торонто фонд биржасида унинг бир дона акциясини 9 долларга сотиб олиш мумкин. Ўтган жума куни “BlackBerry” савдоларнинг яхши эмаслиги туфайли иккинчи чорак якунлари бўйича компания кўрган зарар қарийб 1 млрд.долларни ташки этганини маълум қилди. Энди компания 4,5 мингта ходимни ишдан бўшатишига тўғри келади. У ўзининг молиявий аҳволини яхшилашни ва жаҳон бозорида йўқотган позицияларини шу йил январь ойида сотувга чиқарилган янги "Q10” ва “Z10” модделари ёрдамида қайтаришга умид қилаётганди. Бироқ бу умидлар ўзини оқламади