Қизалоқ отасини диванда нохуш ётганини кўриб, унга глюкагон – инсон организмидаги қанд миқдорини кўтарадиган гормон қилади.
47 ёшли Барри Баркес сўнгги 33 йилдан бери инсуллинсиз яшай олмайди, деб ёзади DailyMail. Унинг аҳволи кечаси ёмонлашган. Баъзи сабабларга кўра унинг қизи уйғониб, отасини излашга тушган ҳамда уни нохуш ҳолатда ётганини кўриб қолган.
"У мени уйғотмоқчи бўлиб, бошимдан туртгани ва уйғотаётганини эслайман, аммо мен тура олмадим, сабаби ҳуруж пайтида инсон организми ўзига бўйсунмайди. Мен ошхонагача эмаклаб бормоқчи эдим, аммо Холли қандай ёрдам беришни билди, – дейди британиялик. – Агар у ёнимда бўлмаганида, мен ўлардим".
Баркесс мана икки йилдирки, Холли ва унинг онасидан йироқда яшайди. Яхшиямки оғир дамда қиз отасининг ёнида бўлган. Бунинг устига ота-она ҳуруж пайтида қандай ёрдам бериш кераклигини аввалроқ ўргатишган. Шу сабабли у ҳеч қийинчиликсиз музлатгичдан керакли дорини олиб, отасига укол қилди. Бу қизалоқнинг илк тажрибаси эди. Укол қилиб бўлгач қиз онасига қўнғироқ қилди, ўзи эса видеоўйин ўйнашга тушди.
Баркесснинг сўзларига кўра унинг қизи аввал ушбу ишни амалиётда амалга оширмаган. Қизга ўргатилган нарсалар унинг ёдида қолгани ва у бу ишни тўғри бажаргани ажабланарли ҳол. "Мен қизим билан фаҳрланаман, – дейди у. – Унинг жасурлиги менинг ҳаётимни қутқарди ва оғир асоратлардан сақлаб қолди".
