Главная » 2013»Mart»11 » Бехосдан муз ёрилиб, Лола сувга тушиб кетди.
01:51
Бехосдан муз ёрилиб, Лола сувга тушиб кетди.
Тошкентдан бир неча километр нарида, хаво харорати нақ -10 даража совуқ ва кучли шамол остидаги экстремал шароитда , Лола ўзининг "Қайтмайди” қўшиғига клип суратга олдирди. Экстремал деганимизнинг яна бир боиси суратга олиш жараёнида, Лола деярли бир ўлимдан қолди. Яхши хамки атрофида ёрдамчилар бўлиб, тезда қутқариб олишди.
Гап шундаки, муз устида ялангоёқ (!) юриб бораётган лавхаси олинаётганида, оёқ остидаги муз ёрилиб, Лола муз остидаги сувга кириб кетади. Белигача сувга кириб бўлган Лолани режиссер ёрдамчиси қутқариб қолишга улгурди.
Суратга олиш жараёнида бошқа хеч ким шикастланмади ва жарохатланмади хам. Лекин жума кунги клипнинг давомини суратга олиш қолдирилди, сабаби шу кундан кейин ижодий жамоа касал бўлишга улгурди.
Суратга олиш ишлари давомида Лола барибир сув тагига тушишга мажбур бўлса керак, сабаби кейинги суратга олиш ишлари сув тагида кечиши кўзда тутилган. Лола тушиб кетганида қутқаришга шошишган чоғи, шартта режиссер сув тагидагисиниям суратга олиб ташлайвермабдида, барибир сувга тушибдику)))
Хар бири ўз ишини профессионалларидан иборат суратга олиш ижодий жамоаси, экстремал холатда ўз ишига сидқидилдан ёндошиб ишлади. Бу борада режиссер Ёдгор Носиров ва Мухаммадали Искандаровнинг тандемини алохида таъкидлаш жоиз.
Санъат қурбонликни талаб қилади тушунчаси шу куннинг хақиқий шиорига айланди. Тиниб тинчимаган Лола, доим ўлим билан ўйнашгани ўйнашган. Шохруххонни хам йўлдан уриб юқори қаватли уй томигача олиб чиқди, яна бир клипда тепаликда, яна тепаликда, яна қаерлардадир....хуллас. Клипни кутамиз.
