Ягона алоқа оператори "Билайн” (Унител МЧЖ ва Бузтон ҚК МЧЖ) апрель ойида янги Zor-zor МегаБит тарифини жорий қилганди.
Кунига 5 Мб дан сўнг Интернетдан бепул фойдаланиш имконияти тақдим этилиши кафолатган макур тариф "Унител" МЧЖ тижорат директори Дмитрий Григоревнинг таърифича "Билайн”нинг миллионлаб абонентлари анчадан бери кутган ҳодиса эди.
- Zor-zor МегаБит шартларини ишлаб чиқишда биз бир вақтнинг ўзида интернет-фойдаланувчларнинг форум ҳамда ижтимоий тармоқлардаги тилакларини ҳам инобатга олганмиз. Эндиликда мижозларимиз Тармоқда сутка давомида бўлишлари мумкин, чунки 5 Мегабайтдан сўнг улар телефон орқали Интернетдан бепул фойдалана оладилар, деган эди компания расмий вакили.
Бироқ аслида ҳам шундайми? Агар мазкур тарифнинг изоҳига эътибор берсангиз (суратдаги қизил рамкада ёки компания сайтида ҳам кўришингиз мумкин), аслида интернет компания вакиллари таъкидалаганидек бутунлай бепул эмаслигига гувоҳ бўласиз.
Оч кулранг ва кичик шрифтлар билан қайд этилган эслатмага кўра, дастлабки 5 Мбдан кейин интернет бепул, биринчи 5 Мб интернетнинг нархи $0.07/Mb. Технологик чеклов кунига 25 Мб. бепул интернетни ташкил этади. Ундан сўнг, интернет учун тариф режасига кўра хақ олинади. Бепул Мб кейинги кунга ўтказилмайди.
Кўриб турганингиздек аслида рекламаларда эълон қилинганидек ушбу тарифда интернет тўлиқ бепул эмас экан. 25 Мб.гача текин интернетдан фойдаланишингиз мумкин, ундан кейин эса яна пул тўлашга тўғри келади.
